Shillong, Rymphang 11: Ka jingialang jong ki samla pule ka North East Students’Organisation (NESO) kaba long ha Guwahati ha ka sngi nyngkong mynta u bnai kila shim ia ka rai ban dawa na ka sorkar pdeng ba dei ban kem ia kiba pyniap ia u samla Nido Taniam
Ka seng jong ki samla pule ka NESO kila dawa ruh ba dei ban kem ia kito kiba la thombor ia ka khynnah kynthei kaba na ka jylla Manipur ha katei ka nongbah New Delhi.
Kum ka jingpyrshah ia kane ka jingshah thombor jong ki samla kane ka thian ha Nongbah Delhi na ka liang jong ka NESO ha ka 14 tarik mynta u bnai kin pynlong ia ka jingshong kyllain mungor ha khmat iing jong u Lat jong ka jylla Assam.
Ha kane ka jingshong kyllain mungor kin long tang ki nongialam jong ka NESO, kan sdang naduh ka por 11 baje mynstep haduh ka por ar baje noh phai sngi. H akane ka sngi kin ai ruh ia ka dorkhas ban dawa ba ki samla pule kane ka thain ki dei ban ioh ia ka jingiada.(SP News)
