Shillong, Jylliew 22: Ha man ki jaka ba buh ia ki Transformer na ka liang jong ka MeECL ka juh buh ka jingthoh ka “Jingmynsaw” hynrei kaei kadaw kaba la pynlong pat ba kam juh ker wat la ki don ha pdeng shnong ne ha rudnong.
Kawei na ki Transformer kaba don ha shnong Umdap Rngi kaba hap hapoh jong ka Umling Black kaba la buh ha rud lynti iaid jong ka shnong bad na ka liang jong ka shnong kala shu teh da ki siej saw dong kane ka jaka kum ka dak ban pyni ban nym tur.
Ka jingbym ker jong ka MeECL ia ki jaka buh Transformer ha ki nongkyndong kam dei tang ha katei ka shnong hynrei ha kylleng jong ki shnong ha ki nongkyndong la jan baroh kawei ka jylla, kane ka juh jingma ia ki briew ha ki shnong ki thaw.
Lah ban pynkynmaw ba dang shen ar ngut ki hep rit kila mynsaw na ka shnong Mawkophet kaba hap hapoh jong ka South West Khasi Hills District ha kaba ar ngut ki hep rit kila mynsaw jur, kiba bun balang ki pynsngew ba ka MeECL ka dei ban da ker ia ki jaka ba buh Transformer ban lait na ki jingmynsaw.
