Shillong, Lber 10: Ki paidbah kiba juh leit sha iew Balat Border hat ki buh ka jingkylli ia ka tnad shna surok jong ka jylla ba balei ia ka jingkieng kaba don ha pdeng ka shnong Lalpani bad ka Pyndenborsora ia kaba la sdang ban shna kala sah khongreng mynta la palat hynriew snem.
Haba u SP News Agency u la ioh ban ia kren bad ki riew rangbah katei ka thain kila pynpaw ia ka jingsngew lyngngoh ia katei ka jingkieng kaba leit sha Balat Border Hat ha East Khasi Hills District kala sah teng haduh mynta khlem shna shuh.
Ia ka surok la dep ban shna na Dangngar shaduh sha Balat Border Hat kaba don ha Tilagoan hynrei ha pdeng ia ka jingkieng la pynsah khongreng haduh mynta khlem shna pyndep, ki paidbah ki kwah ban ka PWD ka dei ban shna noh ia kane ka jingkien ban leit iew leit hat ki paidbah.
Ia mynta ki kali kit mar ban leit sha katei ka iew Balat Border Hat ha kaba wan ki khar Bangladesh ban ia dei ia pet ki hap ban leit iaid kyllain naduh ka shnong Huru Pakni ban leit sha katei ka Border Hat, kane kala buh ia ki nongleit nongwan sha ka jingeh.
