Shillong, Jymmang 17: U Myntri Rangbah ka jylla u Conrad K Sangma u la ong ba ha Kane ka jingialeh ban iada na Kane ka jingpang COVID-19 na ka jingsaphriang kalah ban don ka jingduna hangne hangtai, hynrei kam dei ka por ban Ia kynthoh ne kynnoh don kam Ia ka jingiatreilang da baroh.
Haba kren ha ki lat pathai khubor mynta ka sngi, u Myntri Rangbah ka jylla u la ong ba ka sorkar kala shim Ia baroh ki lat ki lynti ban iada na ka jingsaphriang Kane ka jingpang da ka peit ba kan don ka jingiada Ia ka koit ka khiah bad kumjuh khlem da ktah ruh Ia ka kamai ka jih jong ki briew ha Kane ka jingialeh kan don ka jingduna hangne hangtai.
U Myntri Rangbah u la ong ba kumba ka long mynta ka jindon ki tyndong oxygen la dang pynb ik n shuh shuh ha kaba la pynkiew na ka 700 tylli sha ka 1500 tylli bad ka jingpyntrei ban buh Ia ki ja ka pynmih oxygen ha ki Hospital ha ka jylla kala dang iaid sha khmat ha baroh ki Civil Hospital kiba don ha ki District.
Namar ka jingkiew sted jong Kane ka jingshitom nalor ki jaka ba ka sorkar kala pynkhreh, kumjuh ki hospital jong ki riew shimet, la bthah ruh ban buh Ia ki jaka buh kyrpang ha ki shnong ki dong bad ki thain ha kaba ka sorkar kan ai jingkyrshan ia kum kine ki jaka ha kaba kin don lang ruh ki tyndong oxygen.
U Myntri Rangbah ka jylla u la ong ba ha Kane ka jingiakhun pyrshah ia ka COVID-19 kam dei tang ka bynta jong ka sorkar hynrei wat ki paidbah ruh ki don ka bynta ban iatrei lang da kaba kohnguh ia ki jingbthah jong ka sorkar, kumba ka paw kiba bun na kiba shitom dei kiba don jingiajan bad kiba shitom.
Haba ia dei bad ka jingpynsah ia kiba shitom ha iing ka long tang na ka bynta kito kiba don ia ki kamra bad jaka leitbar la ka jong bad ia ki bymdon la phah sah ha ki jaka bala buh kyrpang, lada kito kiba San ha iing lada kim bud ia ki kyndon ka jingeh ka wanrah ia ka iing ka sem.
Haba ia dei bad ki dawai Tika kiba 45 snem shaneng ka jingdon ki dawai ki biang ha baroh ki District, ka jingduna ki dawai Tika ki long na ka bynta kiba dei hapdeng 18 haduh 45 snem, ka jingdon kam ia kine ki Tika ka long 30 lak tylli kiba ka jylla kala ioh ki long tang 42000 tylli, dang bun kiba suna.
