Itanagar, Iaiong 30: Ka Tnat DoNER bad ka Sorkar Arunachal Pradesh ha ka jingiatreilang bad ka North Eastern Council ka la pynlong ia ka jingiaphylliew jingmut halor ka “bha ka miat jong ki riewlum bad ka jingpeit ia u pud u sam’ ha ka sngi Saitjainhangne ha DK Auditorium jong ka Arunachal Legislative Assembly haItanagar, Arunachal Pradesh.
Ia kane ka prokram la pynlong kum shi bynta jong ka North East Fest-2022 hapoh kaAzadi Ka AmritMahotsav (AKAM) bad dang pynlong da ka tnatDoNER jong ka Sorkar India ban rakhe ia ka jingdap 75 snem ka jingioh jinglaitluid ka ri. La pyniaid ia kane ka prokram da ka tnat Planning and Investment jong ka sorkar Arunachal Pradesh.
U Myntri Khynnah ka Sorkar India uba dei khmih ia ka tnat kam pohiing, uNisithPramanik u la ai jingkren kum u kongsan jong kane ka prokram ha kaba u la pynsngew ia ka jingkmen jong u ban iohi ia ka ‘Jingiareilang hapdeng ki Jingiapher’ ha Arunachal Pradesh.
U la ban jur halor ka jingkut jingmut ka Sorkar Pdeng ban wanrah ia ka roi ka par sha ka Arunachal Pradesh bad u la ong ba ka roi ka par bad ka ioh ka kot ha ki bynta khappud jong ka jylla bad ka bha ka miat jong ki briew ha kine ki jaka ka long kaba kongsan. U la kular ruh ba ka Sorkar Pdeng kan peit ia ki jingeh jong ka jylla bad ba ia ki projek ba la saindur na ka bynta ka jylla, yn pyntreikam ha ka rukom kaba stet.
UChowna Mein, Symbud Myntri Rangbah kajylla Arunachal Pradesh u la ong ba ka bha ka miat jong ki riewlum ka jylla kan iaid ryngkat bad ka jingkyntiew bad ka roi ka par ha ki jaka khappud jong ka jylla.
U la ban jur halor ‘Ka kolshor jong ngi, ka jingsngew sarong jong ngi’, bad u la kren shaphang ka kam kaba iadei bad ka jingwad bniah bad ka jingkyntiew ia ka kolshor kaba riewspah jong ka jylla. U la kren ruh shaphang ki jingjop jong ka jylla ha kaba iadei bad ka jingpynnehia ka kolshor tynrai.
U PD Sona, Shongknor jong ka iing dorbar thawain jong ka jylla Arunachal Pradesh u la kren shaphang ki kam pyniasoh ha ki jaka khappud, ka jingkyntiew ia ka jingiadei hapdeng ki kynhunpahara bad ki nongshong shnong bad u la kyntu ruh ia ka Sorkar Pdeng ba kan pyrkhat shaphang ka jinglong jingman jong ki jaka khappud haba ka wanrah ia ki polisi jong ka ri.
UBamang Felix, Myntri ka tnatKam Pohiingbad Border Management, u la kren shaphang ki jingpyrshang jong ka jylla ban kyntiew ia ka jingpyntbit jong ki kynhun pahara. U la kren ruh shaphang ki jingjop ha ki kam ban pynbiang shuh shuhia ki rukom treikam ki pulit. U la ong ba ka long kaba donkam ban kyntiew ia ka pla tyngka jong ka jylla lyngba ka jingiarap jong ka Sorkar Pdeng.
UAloLibangMyntri ka tnat SJETA bad Health u la kren shaphang ki jingjop jong ka jylla ha kaba iadei bad ka bha ka miat jong ki riewlum. U la ong ba ki jingeh jong ka jylla kiba iadei bad ka pla tyngka ka dei ka kam ba ka Sorkar Pdeng ka dei ban peit bniah bad ba ka lah ban don kham bun ka jingiarap na ka bynta ka roi ka par jong ka jylla.
KaPadminiSingla IAS, Commissioner SJETA/Education, ka Sorkar Arunachal Pradesh ka la pdiang burom ia kito kiba iashim bynta ha kane ka prokram.
La don ar tylli ki Technical Session ba la pynlong hapoh kane ka jingiamir jingmut kiba kynthup ia ka ‘Development of Border Areas’ bad ‘Welfare of Tribals’. Ia ka bynta kaba nyngkong la pyniaid da u Prof. Simon John, AITS, Rajiv Gandhi University. P.D Sona, Shongknor, APLA-cum-Chairman, Indo-China Border Development Legislators Forum of Arunachal Pradesh, u Shyam Mehrotra, Inspector General, ITBP NE Frontier.
Minga Sherpa Deputy Commissioner, Papum Pare District, Brigadier A.S Konwar, Chief Engineer, Project Arunank, Dr.TejumPadu, Vice-Chancellor, North East Frontier Technical University, Dr.LobsangJampa, Epidomologist, State Surveillance Officer, Dept. of Health and Prof. AshanRiddi, Head, Dept. of History, Rajiv Gandhi University ki la iasim bynta kum ki panellist.
Ia ka bynta ba ar la pyniaid da ka Lisa Lomdak, Assistant Professor, AITS, Rajiv Gandhi University katba kaPadminiSingla, Commissioner SJETA/Education/WCD, Y.D Thongchi IAS (Retd.) Padmashreebad President, Arunachal Pradesh Literary Society, Prof. JumyirBasar, Director AITS, Rajiv Gandhi University.
Prof. S.K Nayak, Dept. of Economics, Rajiv Gandhi University, Bai Taba, Vice-President, Indigenous Faith and Cultural Society of Arunachal Pradesh, Dr. Vijay Swami, Executive Director, RIWATCH badRatan Anya, Chairperson, Oju Welfare Association ki la iashim bynta kum ki panellist. U Ayushi Sudan, Special Secretary (Planning) u la ai jingkrenpynkut bad ka jingsngewnguh.
Ha kane ka jingrakhe ia ka AKAM kaba shi taiew, yn pynlong ia ki prokram bapher bapher kum ki jingshadLion & Peacock, AjhiLhamu, Miji, Sherdukpen, Rikhampada, Aka,Rikhampada, Puroik, Rikhampada, Juju-Jaja, Buya, PakuItu, Si-Ome, Galo, AnyalePinku e, GeMotiLeelo, Erap, Memba, Bokar, Tapu, Ponung, Roja, IdudanceIgu Priest, Idu, Ta-Tatong, Meyor,Digaru, Miju, Umbrella, Peacock, OraOra, Lungchang, Nocte,Ollo, Wancho bad kaWanchoOriahnaduh ka 28 tarik u Iaiong ban kan bteng haduh ka 4 tarik u Jymmang, 2022. Ia ka prokram pynkut ia kane ka North East Festival yn pynlong ha Guwahati.
Lah ban shu kdew hangne ba baroh ki jylla ka thain shateilammihngi ki dang rakhe ia ka North East Festival kum shi bynta ka jingrakhe ia ka Azadi Ka AmritMahotsav (AKAM) kaba la sdang ha ka 28 tarik u Iaiong bad ka ban bteng haduh ka 4 tarik u Jymmang. Ki don ki prokram bapher bapher ba la pynkhreh ban pynlong ha Arunachal Pradesh, Assam, Manipur, Meghalaya, Mizoram, Nagaland, Sikkim bad Tripura.
Yn pynlong ia ki prokram katkum ki thup bapher bapher ha man ka jylla ha kane ka por kiban iarap ban pynstet ia ka roi ka par jong ka thain. Shuh shuh, kum shi bynta ka Jan Bhagidhari (Jingiashim bynta ki briew)– dang pynlong ia ki prokram bapher bapher ha ki block, ki distrik jong baroh ki jylla ka thain. Kiwei kiwei kiba la iadonlang ha kane ka prokram ki kynthup ia u Planning Advisor (NEC) Calvin Harris Kharshiing, u Brigadier AS Kanwarbad u DC Sham Mahrotra.
