Shillong, Nailur 02: U Myntri Sorkar Pdeng ba dei khmih ia ka tnad Kam Jngoh Kai bad Deiriti, Gajendra Singh Shekhawat u la pyniaid ia ka Jingialang ki Myntri Kam Jngoh Kai ha nongbah Shillong, wan iashim bynta ki Myntri ki tnat kam jngohkai na ki Sorkar bad Union Territory ka thain Shatei, bad ka thain Mihngi ha kane ka jingialang.
Ha ka jingiakynduh bad ki lad pathai khubor shuwa ban kut kane ka jingialang, u Myntri Sorkar Pdeng u la ong ba ka tnad Kam Jngoh Kai jong ka Sorkar Pdeng ka dang pynlong ia ki jingialang bad ki thain bapher bapher jong ka ri da ka jingthmu ban wanrah shuh shuh ka jingiatreilang bad ki Jylla bad ki Union Territory na ka bynta ka jingkyntiew ia ka kam jngohkai ha ka ri.
Kane ka dei ka jingialang kaba laina kine ha kaba ka tnad ka la dep pynlong ia ki jingialang na ka bynta ka thain Shatei, ka thain Pdeng bad ka Thain Sepngi ha Chandigarh bad ha Goa.
“Kine ki jingialang kin peit bniah ia ka jingkyntiew ia ki jaka jngohkai kiba khring ia ki briew na kylleng ka pyrthei, ka jingkyntiew ia kiwei kiwei ki jaka jngohkai, bad ka jingkyntiew ia ka jingpyniaid iew, ka jingshngain, ki lad ka leit ka wan, ka jingkhuid bad ka jingsuk ban trei ha ki kam khaii pateng ha ka kam jngohkai,” la ong u Myntri.
U la iathuh ruh ba ka kam jngohkai ka dang wad ia ki jingbei tyngka na ki riew shimet khnang ban pynkhlain ia ka kam kum shi bynta ka rukom treikam public private partnership (PPP).
U Myntri u la ban biang ba ka India ka la buh ia ki mawmer ba thymmai hapoh ka jingialam jong u Myntri Rangbah Duh, Narendra Modi ha kine ki 10 snem ba la dep. Ka India ka la mad ia ka jingkiew ha ka ioh ka kot. Lyngba ka jingialam kaba tbit jong u Myntri Rangbah Duh jong ngi, Narendra Modi, ka ri ka la jam shaphrang ha ka ioh ka kot.
Ki jingdon jingem ki la kiew ha kine ki shiphew snem ba la dep, bad ka rukom peit ka pyrthei ia ka India ka la kylla. Ki briew na kylleng ka pyrthei mynta ki la phaikhmat sha ka India da ka jingkyrmen, bad ki kwah ban sngewthuh ia ka kumba ka ju long ha ki por hyndai, u la ong.
U Myntri u la kren shaphang ki sienjam jong ka Sorkar ban kyntiew ia ka kam jngohkai. Ka Skhim SwadeshDarshanba la pliepaidbah da u Myntri Rangbah DuhModi, ka pynbiang ia ka jingiarap pisa ia ki Sorkar Jylla bad ki Union Territory ban kyntiew ia ka kam jngohkai.
Naduh u 2014-15 haduh 2018-19, ka Sorkar ka la pyntrei 76 tylli ki projek kiba kot sha ka 5000 klur tyngka, ba kynthup ia 16 tylli ha ka thain shatei lammihngi, u la ong da kaba bynrap.
“Ngi la pynkylla ia ka skhim SwadeshDarshanban peit bniah ia ka kam jngohkai kaba iaineh bad kaba don jingbahkhlieh. Hapoh ka skhim ba la pynkylla, 57 tylli ki jaka jngohkai ha 32 tylli ki Jylla bad ki UT ki dei kiba ngi la jied, bad la sdang 23 tylli ki projek kiba kot sha ka 715 klur tyngka hapoh kaSwadeshDarshan 2.
Shuh shuh, ka skhim Pilgrimage Rejuvenation and Spiritual Augmentation Drive (PRASAD) kaba peit ia ka kam jngohkai kaba iadei bad ka jingleitpilkrim bad ka jingngeit, ka la kiew bha.
U la ong, “Haduh mynta la sdang 46 tylli ki projek kiba kot sha ka 1624 klur tyngka hapoh ka skhim PRASAD,” la ong u Myntri. “Ngi la wanrah ruh ia ka skhim hapoh kane ka skhim SwadeshDarshan 2.0 kaba peit bniah ia ki jaka jngohkai kiba iahap bad ki khynnah.”
U Myntri u la kyntu ia ki Jylla ba kin ai ia ki jingtyrwa na ka bynta ka jingkyntiew ia ka kam jngohkai. La kyntu ia ki jylla ba kin ai ki jingtyrwa ha kaba iadei bad ka kam jngohkai na ka bynta ka jingngeit.
Ka deiriti bad ka hiar pateng, ki prokram vibrant village, ka mariang bad ki jaka AmritDharohar. Ka Tnad ka la jied 42 tylli ki jaka jngohkai kiba iadei bad ki kam bapher bapher ha 25 tylli ki Jylla bad UT ban kyntiew ia ki hapoh kane ka skhim, u la ong.
Ha ka jingiatreilang bad ka tnad Kam Pla Tyngka, ka tnad Kam Jngoh Kai ka la pyllait ia ki kyndon treikam ban kyrshan ia ka jingbei tyngka ha ki projek kam jngohkai.
“Ki sienjam ‘DekhoApnaDesh’ jong ngi ki iawer ia ki briew jong ka ri ba kin jied ia ki jaka ba ki sngewtynnad, ia kiba ngin kyntiew ban pynbha shuh shuh ki jingshem jong ki nongjngohkai,” la ong u Myntri.“Ng la sdang ruh ia ka ‘Chalo India’ campaign bad kiwei kiwei ki kam ai jingtip.”
U Myntri u la ban jur halor ki sienjam kiba dang iaidshakhmat ban kyntiew ia ka Incredible India website. “ngi dang pynkylla ia ka Incredible India website bad ngi la kyntu ia ki jylla ba kin ai ia ki jingsngew, ki video bad ki dur,” u la ong.
Ha kane ka jingialang kaba la neh da ki kynta, u Myntri u la iarohia ki jingwanrah bad ka jingkut jingmut na ki Jylla. “Nga kmen ban iohi ia kine ki jingwanrah bad ka jingtrei shitom jong man ki jylla. Nga ai jingsngewnguh ia baroh ki jylla, ki Myntri bad ki ophisar na ka bynta ki jingiatreilang jong ki,” u la ong.
Ha kaba iadei bad ki jingeh ha kane ka kam, u Myntri u la kubur ba donkam ka jingkyntiew ia ki lad ka leit ka wan bad ka jingtei ia ki homestay. “Ngi la sngewthuh ia ki jingeh bad ki jingai jingmut, ngi ieng skhem ban wanrah ki jingpynbeit ban kyntiew ia ka kam jngohkai,” u la ong.
U Myntri unleitjngoh ia ka South West Khasi Hills distriklashai bad pyniaid ia ka jingialang bad ki ophisar na ka jylla bad ka distrik. Unleitjngoh ruh ia ki jingdon jingem ha ka distrik.
