Shillong, Jylliew 03: Ka ophis jong ka District Social Welfare Officer (DSWO), East Khasi Hills District ban rakhe ia ka “International Day Against Drug Abuse and Illicit Trafficking 2025” kala pynlong da ka jingiamareh kaba 5 Km.
Ia kane ka jingpynmareh la pynlong da ka jingiatreilang ha pdeng ka District Social Welfare Officer (DSWO), East Khasi Hills District bad ki bor jong ka District Administration, District Sports Officebad ka East Khasi Hills District Athletics Association.
Kane ka jingpynlong ia kane ka jingpynmareh ka long ban rakhe ia ka sngi pyrshah ia ki kam dih drok bad ia kane ka jingiamareh la pynlong hapoh ka lama, Nasha Mukt Bharat Abhiyaan.
Kane ka jingiamareh ka long ban pynsngewthuh ia ka jingma na u drok bad ban hikai ban im ka jingim kaba koit kaba khiah bad kaba lait na ki jingduh pynbuaid, shuwa ban pynlong ia ka jingiamreh la ioh ia ka jingkren na ka DSWO ka kong E. Kharchandy kaba la pdiang sngewbha ia ki nongiashim bynta.
Ka Deputy Commissioner in-Charge, East Khasi Hills District, Smti P. K Sangma (MCS) kala ong ba don kam ban ia treilang ban pynsngewthuh ia ki samla na ka jingma jong u drok bad kala ong to ngin shim ia ka kular ban kiar na u drok bad ban pynsaphriang ia ka jingim kaba koit kaba khiah.
Ha kane ka jingiamareh kaba la mang tang na ka bynta ki kynthei ha kane ka jingiamareh kaba 5 km, ka thei samla Monlangki Kyndait kala ioh ia ka kyrdan kaba nyngkong, ka thei samla Mary Queen Pale kala wan baa r, ka thei samla Rukini R.T Dkhar kala wan b alai.
Katba ha ka jingiamareh na ka bynta ki shynrang, u bala wan ba nyngkong ha kane ka jingiamareh kaba 5km dei u samla Knerlang Phawa, u samla Marshal Waniang bad u samla Rangki Jonathan Pathaw u la wan b alai.
Iaki nongjap bad ia kiba shah pynkupburom kyrpang ha kane ka jingiamareh la sam sha ki ia ka syrnot bad ha ka ka pisa ia ka khusnam la sam da ki ophisar jong ka DSWO bad ka District Adminstration.
