Shillong, Jymmang 03: Ka Khasi Students Union ha ryngkat ka Ri Bhoi Youth Federation Umsning Circle ha ka miet jong ka 2 tarik u Jynmang 2023 ki la ioh ban bat Shibun ngut ki Mynder kiba la shong ha kawei ka Trok bad kiba thmu ban rung ruh shapoh ka Jylla.
Kine kiba la wan kit da ka trok ki khlem don ia ki kot ki Sla kiba biang, na ka liang jong kine ki ar tylli ki seng kila Shem ruh ba kine ki Mynder ki la pynkheiñ ia ka Aiñ Interstate Migrants Workmen (Regulation of Employment and Condition of Service) Act. 2011.
Ha Seng hadien ka jingtohkit ka lah leit ban aiti noh ia kine ki Mynder sha ki Pulit ka Umsning Police Outpost ban leh ia kaba donkam katkum ki kyndon aiñ ba ki la pynkheiñ.
Ka Seng lyngba kane ka Kyrwoh ka maham jur ia baroh kiba ju mlien ban kdup bad ailad ia ki Mynder ri ban wan rung beaiñ khlem kot khlem sla, ka Seng kan nym map hynrei kan leh ia kaba donkam.
Ha kane ka jingleit ban bat ia kane ka trok bad Kem ia kitei ki Mynder la kam Khmat da u Samla Lester Nongbet President KSU Umsning Circle bad u President ka RBYF u Samla Balakmen Nongbri.
