Shillong, Jylliew 09: Ka Khasi Students’ Union Mawprem Circle ka pynpaw ia ka jingsngew bitar halor ka jingleit kem ki bor pulit ia u samla Aristone Thabah uba long u vice president ka KSU Mawprem Circle ha ka 7.06.2017. Ka jingleit kem ka jong ki pulit ia une u samla ka long kaba khlem akor ha kaba ki shu rung kyndit beit ha iing jong u ha ka por shiteng synnia bad ki la kem ia u.
Na ka liang ka KSU Mawprem Circle ka dawa ba ka sorkar ka dei ban pynlait mardor ia baroh ki dkhot ka seng namar ka jingleh jong ka sorkar ka long kumba pynbitar ia ki paidbah khamtam ia ki dkhot ka seng. Khatduh khatwai ka circle ka pynpaw ba ia ka lynti rel ka seng kan iai pyrshah hi kumba ki nongialam bad ki dkhot kiba mynshwa ki la ieng ha ka nongrim. La ong u samla F. Lyngdoh Assistant publicity secretary KSU Mawprem Circle ha ka kywoh.
