Shillong, Iaiong 19: Ka seng ki nonghikai hapoh jong ka lama JACATAM, kala buhteng shuwa ia ka jingiakhih ka jong ki ha dien ba kila ia kynduh ia ki heh ophisar jong ka sorkar ban ia kren halor ka jingdawa ban pyntrei kam noh ia ka jingpynkiew tulop da 100 PC ia ki nonghikai skul adhoc.
Kum ka seng kala ia kynduh ia ka kong RV Suchiang cabinet secretary kaba dei peit ruh ia ka pla pisa jong ka sorkar jylla ban ia kren halor kane ka jingdawa jong kib an pyntrei kam noh ia ka jingpynkiew ia ka tulop jong ki nonghikai adhock.
Shuwa ban ia kynduh ia ka Cabinet Secretary kila ia kynduh ia u Commissioner Secretary ba diepeit ia ka tand pule u Bah DP Wahlang bad ha kane ka jingiakynduh na ka liang jong u Bah Wahlang u la pynsngew ha ki nonghikai ba u la wan na Delhi ban ia kyntduh ia u mytnri ka sorkar pdeng ban ia kren halor kane ka kam bad u la ia kren ruh bad u myntri rangbah ka jylla.
La iathuh ba na ka liang jong u myntri rangbah ka jylla u Dr Mukul Sangma u la bethah ban leh ia kaba don kam ha kaba ia dei bad ka jingpynkiew ia ka tulop jong ki nonghikai adhock. Na ka liang jong ki nonghikai ki dang kwah ban ia kynduh ia u myntri rangbah lane ia ka myntri ba dei peit ia ka pule puthi ha ka jylla. Na ka liang jong ka seng kala buh teng shuwa ia ki jingiakhih bad lada ka sorkar kam leh ei ei kin sa pynbna ia ki jingiakhih jong ki ha kine ki sngi kiban sa wan.
