Shillong, Nohprah 16: Mynta ka sngi u MLA jong ka 19-Shillong South Constituency u bah Sanbor Shullai ba dei ruh u myntri ha kane ka sorkar u la khot ia ka jingialang jong ki nongkit kam shnong bad ki ophisar na ki tnad sorkar ban ia kren markhmat ia ki jingeh kiba ki paidbah ka thain Laban ki ia kynduh.
Ha kane ka jingialang la ia kren halor ka rai jong ka NGT ha kaba ia dei bad ka tyllong um kaba ki shipai kint reh ban ia ka jaka kaba 45.41 heacter , ia kane ka bynta ki dang iakren biang la shai ka sngi ha pdeng ka shnong, tnad khlaw bad u MLA ka tei ka jaka ban ia kren kumno ban leh ia kane ka kam.
Ha kaba ia dei bad ka umbam umdih ha dien ba la ia kren la sngewthuh ba ka jingeh ka dei ba slem ban ioh ia ka jingbit na ka PWD, hynrei na ka liang jong ki kontraktor kiba la don lang ha kane ka jingialang la ai ka jingkular ba ha u Rymphang 2022 la lahb an pyndep ia ki jingtrei.
Haba ia dei bad ka jingpynheh ia ka surok Shillong Dawki, la rai ban leit jurip lang ha ka sngi nyngkong ha pdeng ka PWD, Cantonment Board, NHIDCL bad ki paidbah ban peit la katta ka jingshim jaka kan ktah ne em ia ki paidbah, na ka liang ka NHIDCL la pynshai ba kila dep ban siew wat ia ka bai jaka.
Haba ia dei bad ka jingdon ki Street Light ha thain Laban baroh kawei na ka liang jong ka MePDCL kila pynshai ba man ka sngi ki maramot hynrei ka jingtrei kam ka long tang kumba 60%, katba ki rangbah shnong kila ong ba katei ka jingkam ka MePDCL kam long kaba shisha.
Ban lap ia ka jingshisha la shim ia ka rai ban jurip lang ia ki Street Light ha ka por miet la kata ka jingtrei kam ki street light ka dei ba kam ki nongpyniaid shnong lane ka MePDCL, namar bun ki tiar bun sien la thied da ki dorbar shnong.
Ha katei ka jingialang la shim ia ka rai ban ujor da ka Public Interest Litigation pyrshah ia ka MePDCL kam lah ban pynbha ia ki Street Light namar ba ki paidbah kila siew ia ka khajna kaba ia dei bad ka bai light lyngba ka Shillong Municipal Board, hynri ka MePDCL kam lahb an pynbiang ki paidbah ki don ia ka hok ban ujor.
Ha kane ka jingialang la don lang ki ophisar na ka tnad khlaw, ka PWD, PHE, SMB, na Cantonment Board, ki Rangbah shnong bad ki nongkit kam jong ki kommittee bapher bapher bad bun na ki jingeh kaba ki paidbah ki ia kynduh la ia shai ha kane ka jingialang kaba la khot da u MLA ba dei ruh myntri ka sorkar jylla.
