Byrngem ka ADE ban ia khih lada ka GHADC ki die lilam iaki dieng na ki khlaw ha Garo Hills

Shillong, Nohprah 14:  Ka seng Association for Democracy and Empowerment (ADE) ka pyrshah jur ia ka jingthmu jong ka   Garo Hills Autonomous District Council’s (GHADC) ban die lilam ia ki dieng naki khlaw ha Garo Hills kiba don ha Damalgre Range, Naguapara Range, Phulbari Range bad Samanda Range.

Na ka liang jong ka ADE kala ong ba katne ka jingeh kaba ka pyrthei ka ia kynduh na ka daw jong ka jingkylla ka mariang, ha ka jaka ba dang thung shuh shuh ia ki dieng ka GHADC ka kwah ban pom pynban ia ki deing kiba la heh kane ka long mar pyrshah ia ka jingialeh ban pynneh pynsah ia ka mariang.

La ong ba lada pom ia ki dieng kiba don ha kitei ki khlaw kaba mut ba ki lum ha Garo Hills kila syllen, ym tang kata hynrei kan wanrah ruh ia ka jingduh jaid jong ki katto kane tylli ki jingthaw bain, ki dieng ki long kiba don kam namar ki pynmih ia ka lyer oxygen kaba ki briew ki ring mynsien ban im.

Na ka liang jong ka seng ka sengewthuh ba ka jingkwah pom dieng jong ka GHADC ka dei na ka jingduna pisa ka Council, hynrei kane kam dei ka lynti la ong u president ka seng u Dalseng Bira Ch Momin President, kane ka jingkyrduh pisa hapoh jong ka GHADC kan dang iaid don lada pom ia ki dieng ruh.

Ha ka kyrwoh kaba la phah mynta ka sngi la ong ba lada ka GHADC ka iaid sha khmat bad kane ka jingdie ia ki dieng bam pom na ka liang jong ka ADE kan nym shong kli kti lada don kam ban iakhih ruh kin mih madan, ka seng ka pyrshah jur ia kane ka jingthmu jong ka GHADC.

 

 

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet