Shillong, Lber 01: Ka Jaintia Nation
al Council kum shi bynta ban pyrshah ïa ka jingthmu ban ïa ka lynti rel ha East Jaintia Hills, ha ka 6 tarik mynta u bnai Lber kan pynlong da ka Black Flag Rally ha East Jaiñtia hills district ha Khliehriat kaba long ruh ka Headquarter ka district.
Katkum ka kyrwoh khubor na u President ka JNC u Bah Samborlang Lyngdoh u la ong, imat ka sorkar kam shym ioh por ban peit iaki jingthoh bad naka ka seng ruh kam kwah shuh ban shu pynpaw ia kano kano ka sur lyngba ki lad pathai khubor ha kaba iadei bad ka railway hynrei kan sdang noh da ka jingiakhih.
Kane ka rally Kan long ka dak Jong ka jingpyrshah iaka railway ryngkat ki Lama iong, kumta ka seng khot ka wer ia ki paradoh parasnam ki khun samla kynthei shynrang ka Ri Jaiñtia khamtam iaki para sengbhalang baphin sngewbha ban pynlait iaka por ba kordor ka jong phi ban wan sha kane ka rally ban pyni iaka jingiatylli ba ngi u Jaiñtia ngi pyrshah jur iaka jingwanrah iaka railway hapoh ka Ri Jaiñtia Jong ngi.
Ka Rally Kan sdang najan ka skul Holy Family English school Khliehriat bad yn pynkut haduh ha ophis u DC bad ruh kan Don ka jingialang ba lyngkot hakhmat u Woh Kiang Nangbah.
