Shillong, Jylliew 9: U Deputy Commisioner jong ka East Khasi Hills mynta ka sngi ua la pynjari ia ka kyndon 144 CrPC, ba 500 metter sawdong jong ka iing dorbar thaain ka jylla kaba don ha Rilbong yn nym shah ban ia lum briew palat ia ka san ngut, kane ka long ha Main bad additional secretariat jong ka jylla ruh kum juh.
Da kane ka hukum la khang ia ka jingiaid ki briew ha ka kynhun ne ki kali da ki kynhun, yn nym shah ruh iano iano ban rah ia kino kino ki tiar pynmynsaw, lait noh tang ia ki bor pulit. Ia kane ka hukum la pynmih namar ba ka don ka jingiashong dorbar kaba kyrpang ha ka sngi nyngkong ka 12th Jylliew 2017.
Na ka bynta ka jingiaid beit iaid ryntih jong ka jingiashong dorbar ki bor jong ka District kila pynjari ia kane ka 144 CrPC sawdong jong katei ka iing dorbar bad kane ka hukum kan kut noh ha dien ba la wan ka jingiashong dorbar jong ka iing dorbar thawain ka jylla.
