Shillong, Jymmang 31: Ki briew jong ka sorkar ki dang iatrei shitom ban ioh ban sei iaki met kiba la shah ban khyndew hapoh ka shnong Nongpriang kaba hap hapoh jong ka Bholaganj Block,hapoh ka Sohra Civil Sub Division, jong ka East Khasi Hills District.
Ka SDO jong ka Sohra Civil Sub Division ka S. Verma, IAS kala iathuh ba haduh mynta dang ioh san sei tang ar tylli ki met bad ia kiba dang sah ki briew jong ka sorkar kiba don ha katei ka shnong ki dang ia don ha katei ka jaka ialeh ban wat ia met ba dangsah.
Ha ka juh ka por na ka liang jong u Deputy Commissioner jong ka East Khasi Hills District u SC Sadhu la ong ba mynta kila pynkreh ban phah ia ka jingiarap sha kito ki long iing kiba khlad ha kane ka jingshah lynshop jong ka mariang.
Katkum ki kyndon jong ki jingiarap sha ki long iing kiba la shah ktah ha ka jingpynjot ka mariang ia kiba khlad ka jingiarap kaba ka sorkar kan ai ka long saw lak tyngka marwei, ha kine ki sngi kin sa phah ia ka pisa sha kiba ha iing jong kiba khlad.
