Shillong, Jylliew 04: Ka seng samla pule jong ka dong shatei lam mih ngi jong ka Ri India kala phah ia ka dorkhas sha u myntri rangbah duh jong ka Ri India U Narendra Modi, lyngba u Lat ka jylla Meghalaya u V,Shanmuganathan.
Ha kane ka dorkhas ki don phra tylli ki mat jingdawa ba kane ka kynhun jong ki sengsamla pule jong kane ka thain kila phah bad kawei na kita ki jingdawa ka long ba ka sorkar pdeng ka dei ban ai ka jingithuh kaba kyrpang ia ki jylla ka North East Hapoh jong ka Riti synshar jong ka Ri India.
Kiwei ki jingdawa ki long ba ka sorkar pdeng ka dei ban pynbeit noh ia ki jingiakajia hapdeng hapdeng ki jylla kane ka thain, ka dei ban bha kam pyrpang ia ki samla kane ka dong shatei lam mih ngi jong ka Ri India. Ka dei ban pynsted noh ia ki jingiakren ia suk bad ki seng lehnoh kiba la dep ban ia soi ia ka soskular ia suk.
Ka sorkar pdeng ka dei ban wad kilad ki lynti ban khanglad ia ka jingwan rung kyrthep ki myntri ri ha kane ka thain, haba phai sha ka ioh ka kot ka NESO ka ong ba kane ka thain ka don kam ia ki kam pynreoi khamtam ia ki jingtei kum ki lynti ki sengkieng bad kiwei kiwei kiba ia dei bad ka roi ka par.
Ha dien ba la ia soi ia ka soskular ia pynbeit pud bad ka Bangladesh ka sorkar pdeng ka dei ban buh ia ka Visa bad Passport ophis ha kane ka thain, ha ka juh ka por na ka liang jong ka sorkar pdeng ka dei ban pynbeit ban buh da kawei ka por na ka bynta kane ka thain.
