Shillong, Naiwieng 22: U bah Disparsing Rani mynta ka sngi u la pyntip ia ka rukom shim pisa ki nongdie lang ia u khaw rashon na ki dukan sam khaw rashon bad ka rukom ai laisen ia ki nongsam khaw bad katno ka sorkar ka ai bai kit ia ki nongdie lang bad ki dukan sam rashon.
Haba kren ha ki lat pathai khubor, u bah Disparsing la ong ba baroh kiba apply ban ioh sam khaw rashon, ka long ba ki dei ban biang ki kot ki sla, kum ka EPIC, Aadhaar, syrnot na District Council kaba la tip kumka Professional Certificate bad ka jingthep pisa kaba shilak tyngka kum ka jingpynskhem.
Katkum ka rule ka long ba ki dorbar kim lah ban long ki nongsam khaw bad kaei kaba u la ioh ia ka jingujor ka long ba ki don ki shnong kiba la san ia u khaw da ka Executive Committee ka dorbar shnong kaba ka ain ka shah.
La ong ba u la ioh ia ka jingujor ba ki nongdie lang ia u khaw rashon ki khate shiphew tyngka shi byrni na ki nong sam saw rashon, katkum ka RTI kaba la ioh ka sorkar ka siew bai kit T.105/- tyngka shi byrni katba ia ki dukan sam khaw pat ka sorkar ka ain T.180/- tyngka shibyrni.
Kane ka long katkum ka jingpynshai kaba la ioh ka ophis Deputy Commissioner supply bad ka jingbha jong u khaw dei ban long Grade-A
