Shillong, Kyllalyngkot 28: Mynta ka sngi ha ka por kumba 9,45 baje mynstep ka la ka jingjia ha kaba ki briew kiba ym lah ban tip kila dung ia u Badshah Malik u ba la 49 snem ka rta da ki kynja tiar ba nep.
U Malik u la mynsaw jur na ha kane ka jingjia bad la pynkit ia u mar mar sha Civil Hospital ban ioh ia ka jingsumar, na ka liang jong ki pulit ki dang pynlong ia ka jingtohkit ban lap ia kine ki nongleh kam sniew bad ban wad ia ka daw jong kane ka jingshah dung ong ki khubor pulit.
