Shillong, Risaw 13: Ka jingkylla ha ka sain pyrthei ha ka party United Democratic Party kala wanrah ruh ia ka jingkylla ha ka jingdon liang ki MDC ha ka iing dorbar jong ka Khasi Hills Autonomous District Council ha kaba ar ngut ki MDC kila kylla sha ka party Bharatiya Janata Party.
Ki ar ngut ki MDC kiba dei na ka party UDP kiba la pyniasoh kum ki MLA sha ka party UDP ki long u bah Pious Marwein na 26-Langrin MDC Konstitwensi bad u bah Synshar Kupar R Thabah na ka 22-Nongspung-Sohiong MDC Konstitwensi, kane ka long ka sien kaba nyngkong ba ka party BJP kan don ar ngut ki MDC ha KHADC.
Da kane kajingkylla ka party UDP kaba la ioh ban bat ia kam nongialam ha ka liang pyrshah ha kine ki por kiba la dep ka dei namar ba ki don san ngut ki MDC, u bah Barikupar Synrem 11-Shella, Tistos starwell Chyne 13-Sohra, Equator Nongrang 23-Mairang-Nongkhlaw kaba mut ka don sa lai ngut MDC ha KHADC.
Katba ka NPP mynta ka don saw ngut ki MDC, u bah Sosthenes Sohtun na 1-Jirang, ka kong Rona Khyndeit na 2-Nongpoh, bah Alvin Khynriem Sawkmie na 12-Mawsynram bad ka kong Grac Mary Kharpuri na 10-Nongkshen MDC Konstitwensi si.
Ka jingdon ki MDC mynta ha KHADC ki long, 4 ka NPP, 3 ka UDP, 2 ka BJP, 1.HSPDP, 1 Independent kiba don ha ka liang pyrshah, ia u nongialam hapoh ka iing dorbar la shim na ka party ba don bun eh ki MDC bad ha kane ka kynti kaba mynta ka NPP ka don bun ki MDC kaba kidon 4 ngut.
