Shillong, Nohprah 13: Ha ka sien kaba nyngkong ba ka tand pulit ba pyniaid iaki kali hapoh ka East Khasi Hills District kila pynjot noh ia ki Solansar kaba kila kurup na kito ki kali bad ki kali ar shaka kiba la pynmih ia ka jingsawa kaba la long pyrshah ia ka ain da kaba phah pyniuh ha ka Roller ha Headquarter jong ka Police Reserved.
U Superintendent ki pulit jong ka East Khasi Hills District u bah Silvester Nongtnger IPS, la ong ba la ioh ban kurup ia kine ki 181 tylli ki Solansar ka long ha ka por ba ki pynlong ia ka jingkhynra bad da kaba buh iaki pulit ban ap ha ki lynti, kane ka jingkhynra kan dang iaid bteng ban peit ba ki briew kin niah ia ki kali ne ki kali ar sha ka hapoh ki kyndon.
Na kane ka jingioh ban kem ia ki kali bad ki kali ar shaka kiba lap buh ia ki pipe Solansar kiba pynmih ia ka jingsawa kaba jam kaba la pynti ia ki nongshong shnong kila don kuna T.5000/- tyngka bad baroh ka pisa kala kot sha ka T.12,46,500/- lak.
Ka jingkhynra la sdang ha u bnai kyllalyngkot mynta u snem, baroh kila lap ba ki don ha haduh 320 tylli, ha kaba sdang la ong ia ki ba kin weng noh, hynrei namar ba kim treh ban weng na duh u Nailar mynta u snem kila sdang ban kem bad haduh mynta la ioh ban kem 181 tylli.
U Superintendent ki pulit ba dei peit ia ka nongbah Shillong u bah Vivek Syiem IPS, la ong ba ki pulit ki talasi ia ki kali ha ka por mieit ban peit ba ki briew kiba niah ia ki kali kim dei ban long kiba la dih buiaid namar bun na kiba ia tyngkhuh kali dei kiba dih buaid ki pulti kin dang iai bteng ban khynra.
Ha ka juh ka por u la kyntu ia ki kmie ki kpa ba kim dei ban ailad ia ki khun ban niah kali ne ia ki ar shaka katba kim pat don ia ka Laisen niah kali kane ka pynkhien ia ki kyndon jong ka ain, da kane ka jingkhynra mynta kala dang duna kane ka jingniah kali beain ha dien ba kila pynjur ka jingkhynra.
