New Delhi, Nailur 05: U Myntri Khynnah ba dei khmih ia ki tnat Skill Development bad Entrepreneurship bad Electronics bad IT, u Rajeev Chandrasekhar u la iakren bad ki lad pathai khubor mynta ka sngi ha kaba u la iakren shaphang ki jingjia hadien ka jingialang ki Myntri Digital Economy kaba la long ha ubnai Nailar.
U la ong ba ha ka sien kaba nyngkong, hapoh ka Presidency jong ka India, ki Myntri Digital Economy jong ki ri G20 ki la ia sngewthuh jingmut lang kumno ban tei ia ka digital public infrastructure (DPI) na ka bynta ka lawei.
U Rajeev Chandarsekhar u la ong ba kane ka jingiasngewthuh jingmut ka long ha lai tylli ki bynta kiba long ki jingdon jingem digital na ka bynta ki paidbah, ka Cyber security bad ki jingnang jingstad ha kaba iadei bad ki kam Digital.
Ki DPI, ha ka sien kaba nyngkong, ki la ioh ia ka jingiasngewthuh jingmut lang ba kylleng ka pyrthei bad kumno ban ithuh ia ki, ki rukom treikam bad ki nongrim. Kane ka dei ka jingiakren kaba sngewtynnad bad kaba la tyllunshakhmat ha ka G20.
Ka India mynta ka la long ka nuksa, kum ka ri kaba la pyndonkam bad pyntreikam ia ki atiar teknoloji na ka bynta ka roi ka par. Ki ri kiba la sah dien ki iohi ia kane ka jingiasngewthuh jingmut kum ka lad ban bud ia ka jingialam ka India ha ki DPI, ki jingdon jingem digital ba long open source bad ka jingpyndonkam ia ka ban wanrah ia ki juh ki jingjop ba ka India ka la ioh mad.
Lyngba kine ki jingiakren ha ka G20, ngi la sngewthuh shuh shuhkumno ki DPI ki long ki atiar ba donborna ka bynta ka jingpdiang lang ia baroh, khamtam ia ki ri kiba don ha ka thain shathie jong ka pyrthei,” la ong u Myntri.
Ka India ka la soi phra tylli ki Memorandum of Understanding (MoU)bad ki ri kum ka Armenia, Sierra Leone, Suriname, Antigua, Barbados, Trinidad and Tobago, Papua New Guinea bad Mauritius, bad tyrwa ia ka India Stack bad ka DPI khlem da shim jingsiew ha ryngkat ka jingioh lad open-source.
Kine ki ri mynta ki don lad ban pdiang bad pyndonkam ia kine ki atiar hapoh ki jaka jong ki bad kane kan iarap ban kyntiew ia ka jingsaindur thymmai jong ki. Ha ryngkat ki DPI, u Myntri u la bataikumno ki ri ki la peit bniah ia ka cybersecurityruh, bad u la ong ba kane ka long kaba kongsan bha ha ki kam ka ioh ka kot kiba dang kiewwutwut.
U Rajeev Chandrasekhar u la ong, “ha kaba iadei bad ka cybersecurity, ki Myntri digital economy jong ki ri G20 ki la iakren shaphang ka jingdonkam jong kane na ka bynta ki jingiada ha ki kam khaii pateng.
Ka cybersecurity ka long kaba kongsan ia baroh ki ri ha ka pyrthei namar ka ioh ka kot digital ka dei ka bynta kaba dang kham heh ha ka jingkiew ka ioh ka kot bad ka ioh ka kot jong ka pyrthei.
Ka bynta kaba lai ba la ioh ka jingiasngewthuhlang ka dei kaba iadei bad ki jingnang jingstad ha ki kam digital. U Myntri u la ong ba ha ka pyrthei digital hadien ka khlamCOVID, ka long kaba donkam ia ki ri ba kin pynthikna ba ki samla ki ioh jinghikai ha ki kam digital.
Ki jingnang jingstad digital ki dei kiba donkam ha kane ka pyrthei hadien ka khlam COVID. Ki sap ka India ki peit bniah ia ka jingkyntiew ia ki jingnang jingstad digital jong ki samla jong ngi.
Kane ka dei kaba la paw bha ha kane ka jingiakren. Bun ki ri kiba kwah ban iatrei lang hapdeng jong ki bad ruh bad ka India ban don ki jingnang jingstad digital kiba la khreh ia ka lawei bad kiba lah ban ialeh pyrshah ia ki jingeh kiba don ha ka juk ka ban wan, la ong u Rajeev Chandrasekhar.
