Shillong, Lber 23: U wei na ki lehnoh u ba triem u bala pynshong syier ia ka East Garo Hills u Raksim Ch Momin ia u ba la tip da ka kyrteng sin jong u Arikam 22 snem mynta ka sngi u la leit ban pyndem ia lade ha khmat ki pulit jong ka East Garo Hills ha kaba u heh pulit u Vivekanand Singh u la don lang ha kane ka jingwan pyndem.
U Raksim Ch Momin u la pyniasoh ia lade bad ka seng GNLA ha u snem 2012 bad ha u snem 2013 u la mih na ka sengh lem bad kiwei ban thaw ia ka seng lehnoh ASAK ryngkat ba du Reding T Sangma, ha kane ka jingleit pyndem ka jong u mynta ka sngi la don lang ki nongialam niam bad kiba ha iing ha sem ki jong u.
