Maligaon Jylliew 29: Katkum ka jingthmu jong ka sorkar pdeng ka long ba baroh ki nongbah jong ki jylla ka thain sha tei lam mih ngi jong ka Ri India ki dei ban pyniasoh da ka lynti rel kane ka long katkum ka “ Vision Document 2020”.
Haba ia dei bad ka jylla Sikkim la mang pisa ban shna ia ka lynti rel bad ka nongbah jong ka jylla Arunachal Pradesh bad Tripura States la dep ban pyniasoh da ka “Broad Gauge rail”.
Katkum ka jingpynlait khubor mynta ka sngi na ka NF.Railway, la ong ba ha Meghalaya la mang ban shna ia ki ar tylli ki lyntin rel ia kaba la mang pisa naduh u snem 2006-2007,kaba dei na Tetelia na Assam sha Byrnihat ha Meghalaya kaba jrong 21.50 km.
Ka jingmang pisa ia kane kalynti rel ka long T.1,532 klur tynngka bad lapynlut tang T.515.82 klur na ka bynta 10 km ka lynti rel kaba la dep ban shna ha ki bynta jong ka jylla Assam haduh ka 31.03.2019.
Haba ia dei bad ka jingshna ia kane ka lynti rel kila dong ki seng bhalang kiba la pyrshah da kabasai daw ba lada wan kalynti rel kan wanrah ia ka jingwan rung kyrthep ki briew kiba na bar.Ha kaba ia dei bad kane ka jingiakren ka dang iaid ban ia pynbeit,dei na kane ka daw bay m pat lah ban buh por lano ban pyndep ia kane ka lynti rel namar ia ka jaka ruh ympat aiti.
Na ka bynta ka lynti rel na Byrnihat sha Shillong kaba jrong 108.40 km la mangpisa ha u snem 2010-11. Ka jinglut kan long T. 6,000 klur bad na kane la pynlut T.252.68 klur haduh kla 31.03.2019. Ia kane ka lynti relruh ympat lah ban buh por namar bas ympat ioh ia ka jaka.
