Shillong, Iaiong 25: Uwei u Nonghikai jong ka Hindi Department u ba dei ruh u Assistant Professor u Dr. Alok Singh hynnin ka sngi ka 24tarik ïaiong u la shah shoh ha ka ophis trei kam jong u ha ha ki hynriew ngut ki briew kiba u la kynnoh ba ki dei ki khynnah pule.
Haba kren sha ki lad pathai khubor na ka liang u Dr Alok Singh u la iathuh ba hynnin ka sngi ha ka por kumba 5 duna eiei hynriew ngut ki samla pule kila leit ban rung sha ka kamra trei kam jong u bad khang ia ka jingkhang ha kaba kine ki samla pule ki la shoh ia u.
Shuh shuh u la iathuh ba na ka liang ka jong u, u la ujor da ka ejahar khang ba kum kine kim um jia shuh hadien. U la kyrpad ruh ba kin pynbiang ia ki bor ia da namar u sngew tieng ia lade wat la um shym la leh eiei ruh.
Na ka liang ki bor Pyniaid jong ka Nehu ki pynrem jur halor ka jingshah shoh u Nonghikai kane ka skul bah NEHU ba dei u PRO jong ka Skul bah u Prof David son Pyngrope u la pyntip ba ki bor Pyniaid jong ka nehu kin sa thaw da ka kommitte.
Halor kane ka jingjia la ong ai ba ki Pulit kin tohkit ia kane ka jingjia ban lap ia ki briew kiba donkti ban shoh ia u Dr Alok Singh nonghikai ka Hindi Deparment jong kane ka skul bah NEHU.
