Shillong, Nailur 06: Mynta ka sngi “Ka Sur ki Nong Mawlai” kila ia kynduh ia u Lamphang ka iing dorbar thawain ka jylla u bah Metbah Lyngdoh bad ha kane ka jingiakynduh kila ai ia ka jingthoh ba un kren lem ia ka jingshah siat iap u bah Cheristrfield Thangkhiew ha kti ki pulit.
Kane ka jingthoh kaba kila ai ka ka long ba “Ka Sur ki Nong Mawlai” ka kyrpad ia MLA ba kin ai lem jingkyrshan ban weng kam shuwa shipor kito ki pulit kiba don kti ha kaba siat iap ia u bah Cheris ha ka 13th Nailar 2021 ha iing sah jong u Mawlai Kynton Massar.
Ha kane ka sngi ka surok ki nongmawlai kila leit ban ai ia ki jingthoh shakiwei ruh ki MLA, ha u bah Process T Sawkmie MLA jong ka Mawlai, bah Reniktone L Tongkhar MLA ka Mawkyrwat, bah Adelbert Nongrum MLA 18-Shillong North, bah Himalaya Shangpliang MLA ka Mawsynram,
Ha kane ka sngi la pynlong ruh ia ka jingiaid paidbah ban pyndem wait Tari ha Mawlai ha kaba da ki spah ngut ki paidbah kila ia shim bynta ha kane ka jingpyndem wait tari da kaba rah ia ka tari bad bret ia ki ha ka jaka ba la buh.
Na ka bynta kane ka juh ka jingthmu ban dawa na ka sorkar ban weng kam shipor ia ki pulit kiba la shah kynnoh ba ki don kti ha kaba siat iap ia u bah Cheris, ka Sur ki Nong Malki kin pynlong ia ka jingiaid paidbah por ar baje noh phai sngi.
