Shillong, Nailur 15: Ka Jingdawa ia ka Article 371 ha ka Jylla 
meghalaya Kam long shuh kaei kaei kaba thymmai. U Maieid Hoping bad kiwei ki riewrangbah ka jaidbynriew mynshwa ki la kren bha ia kane , u Bah Adernt u la wanrah da ka resolution ha ing dorbar mynshwa bad ka Kong Ampareen Mynta ruh ka la wanrah ia ka resolution.
U Bah Robertjune Khajahrin president ka HYC u la ong ba kim lah hi ruh ban khlem da pynpaw bad ka federation of Khasi state ruh ka la shait kren ia Kane ka mat na ka por Sha ka por.
Ka la don ruh ka jingkren ba da wan ka artikel 371 ka article 244 (2) bad ka sixth schedule Kan duh noh . Kane ka long kaba bakla namar ngi la iohi ba ki jylla Kum ka mizoram, Assam ki Don ka 371 bad ki Don ruh ki district council bad ka artikel 371 bad ka sixth schedule ki ia treilang ha kine ki jylla.
Halor katta ka artikel 371 ka Nagaland ka shna ia ki district council ha nagaland kiba la Jan ia syriem bad ki ADC ha meghalaya. Ngim dei hi ruh ban sngewthuh bakla ba Ka sixth schedule ka kren ia ka Bor ki distict council bad ka artikel 371 Pat ia ka Bor kyrpang ka jylla.
Ka seng ka iohi pat ba Don bun jait ki artikel 371 bad ki iapher kawei na kawei bad Lada ka wan ha ka jylla Jong ngi ka dei ban wan ha ka dur ba Kan pynskhem ia ka sixth schedule bad Kan ai Bor kyrpang ruh ia ka jylla. Ka seng ka kren Shai ba Kan nym ia kubur ba Kano Kano ka artikel 371 Lada ka pynduh pyndam ia ki distict council hynrei Kan pdiang pat Lada ki wan ban ia treikam ryngkat Lang.
Ka jinglong jingman ha ka Ri India hi baroh kawei bad ka synshar ha ka India ka long kaei kaei kaba ngi hap ia pyrkhat jylliew. ka jingdohiap ka BJP ban wanrah biang ia ka citizenship amendment bill, ia ka uniform Civil Code ( ka Ain ba Ka India Kan pynduh noh ia baroh ki Riti bapher hynrei kan don noh tang kawei ka ain ha ki Riti dustur naduh ka shongkha , ka ai jaid, ka hiar pateng , ka Kam khyndew, ka tiengkhun , bad ki Wei.
Ka forest amendment act, ki jingthmu pynkylla ia ki Ain khyndew , ka anti convertion law, ki jingkhang bam Don masi baroh kawei ka RI, ka Jing pynkylla noh ia ka secular , ka Jing phah kren Hindi jubor ia baroh, ka jingthom Bor ia ka shynshar jylla ( federal structure bad ka jingkyntait ka sorkar Kmie ban pynlait ia ka meghalaya na ka jingtrei Kam ka MMDR act , ka forest conservation act bad kiwei ki long kiba ap jingma ia ka jylla hi baroh kawei.
Kum ka jylla kabai ritpaid ha ka RI India bad ngi don tang lai ngut ki MP, ar ha Lok Sabha bad wei ha Rajya Sabha kaba mut ba la shah tam lypa ha Parliament . Kumta ban Lait ka jingma ia ka jylla kum ka seng kala idon kam ban don noh ka artikel 371 bad ban pynkhlain shuh shuh ia ka Sixth schedule.
Ka seng Kan pynlong noh ia ka jingiathir jingmut halor ka artikel 371 bad ka Sixth schedule ha kine ki sngi ban wan , kin sa khot ia ki riew rangbah naduh ki professor, ki nongthoh kot ,ki muktiar , ki riew sain pyrthei ,ia ki nongialam sengbhalang bad ki nongialam ki Dorbar Trai Ri ban iamir jingmut janai halor Kane, la ong u bah Robertjune Kharjahrin President ka seng HYC ha ka kyrwoh kaba la phah mynta ka sngi.
