Shillong, Kyllalyngkot 05: Ki hynniew ngut ki nonghikai kiba la ioh ia ka jingpynksan na ka iing bishar ba ki dei ban ioh kam hikai biang ha dien ba kila pyndep ia ki jingdon kam baroh katkum ki kynduh kiba la buh kila ai por ia ka sorkar ar taiew ba kan thung kam noh ia ki em kumta kin pynlong ia ka jingiakhih.
Ki hynniew ngut ki nonghikai kiba ka iing bishar kala rai pynksan ba kila long kiba bit ban ioh biang ia ka kam hikai ki long ka kong Phikirbha Khariah, kong Arbihlang Suchiang, ka Thlamuana Darnei, ka Lajoy Darnei, ka Mary Jone Ngamlai, ka Lachonpari Theite bad ka Samiran Rishi.
Ka kong Phikirbha haba kren ha ki lat pathai khubor mynta ka sngi ha Shillong Press Club la ong ba halor kane ka rai jong ka iing bishar kaba la ai ha ka 28/10/2022 kila phah da ka jingthohsha u myntri rangbah ka jylla, Symbut myntri rangbah ka jylla, myntri ba dei peit ia ka tand pule puthi ka jylla bad sha u Districtor ka tnad pule.
La ong ba katkum katei ka rai jong ka iing bishar la ong ba kitei ki hyniew ngut kiba la hikai teng palat ia ka shiphew snem kila pass ia ka eksamin Meghalaya Teacher Eligibility Test (MTET) kumba la ailad biang ka sorkar ia ki ba kin pyndep ia katei ka eksamin.
Kitei ki nonghikai kila ong ba ki aipor ia ka sorkar artaiew ban thung kam ia ki namar ba kila dep ban phah ia kane ka jignthoh sha ka sorkar mynta la palat shbnai, kin nym ai shuh ia ka jingthoh hynrei kane ka dei ka jignpyntip sha ka sorkar ba ka dei ban ai noh ia ka shithithung len kumta kin pynlong ia ka jingiakhih.
