Shillong, Jymmang 28: Ki paidbah nongshong kiba don sha shiliang ka wah Dolai ha kahppud bad ka Bangladesh hapoh ka Mawsynram Blok kila ia kynduh jingeh ha ka kit kabah namar kam shym don ka sub-way haba shna ia ka jingkieng iaid kali halor katei ka wah.
U President ka Hills Farmers Union jong ka Mawsynram Block u bah Odas Pdahkasiej u la ong ba ka jingbym don ia ka sub-way ha katei ka wah ba shna ia ka jingkieng kala buh ia ki nongrep ha ka jingeh bad kum juh ia ki paidbah ka thain baroh kawei.
Ka jingbym don ia ka sub-way kala wanrah ruh ia ka jingkiew dor ki marbam mardih namar ki kali ba kit ia ki mar ki mata yn da poi ha katei ka jaka hap ban pynhair bad kit noh da u briew ban pynkit pat ha kawei ka kali kane ka ka ktah ia ka jingkiew dor ki mar bam mardih.
La ong ba ia kane ka jingkieng la sdang ban shna ha kine ki bnai tlang mynta u snem bad ha ka por ba dang rang ka beng ki kali ki iaid na um, hynrei mynta da la wan ka lyiur ki kali kim lah shuh ban iaid lyngba katei ka wah bad haba jur slap ki briew ruh kila shitom ban iaid na shiliang sha shiliang.
Naka liang jong ki nongrep katei ka thain bad kum juh ki riew paidbah ki kyntu ia ka PWD, khamtam ia ka ophis jong ka Mawsynram PWD Division ba kan phah shana ia ka subway halor katei ka wah khang ba ki kali kin ioh iaid khnang ba kan nym don ka jingkiew dor bad ka jinglut ksan ia ki paidbah.
