New Delhi, Naitung 29: Ka jinglum jngkhien halor ka jingioh bad ka jingbym ioh kam ka dei kaba lum lyngba ka Periodic Labour Force Survey (PLFS) kaba pynlong da ka Tnat Statistics and Programme Implementation (MoSPI) naduh u 2017-18. Ka samoi jong ka khana samari ka dei naduh u Naitung haduh u Jylliew man u snem.
Katkum ki jingshem ha ka kaiphod PLFS ba khatduh, ka jingantad ia ka jingbym ioh kam ki samla kiba hapdeng 15-29 snem ka rta bad kito kiba la tam ia kane ha ka ri ha kine ki 10 snem ba la dep ka long ka jingbym ioh kam ha u snem 2017-18 ka long 17.8%, ha u snem 2018-19 ka long 17.3%,.
Ha u snem 2019-20 ka long 15.0%, ha u snem 2020-21 ka long 12.9%, ha u snem 2021-22 ka long 12.4% bad ha u snem 2022-23 ka long 10.0% kane ka long katkum ka kaiphot jong ka Ka data PLFS ka pyni ba ka jingbym ioh kam ha ka ri ka la kham hiar katba dang iaid ki snem.
Katkum ka kaipohod ba khatduh jong ka PLFS, ka average ha ka jingioh jingsiew ha ka Current Weekly Status (CWS) ka la kiew sha ka T. 20,039/- hapdeng u Iaiong-Jylliew, 2023 haba ianujor bad ka T. 16,848/- hapeng u Iaiong-Jylliew, 2018, kaba long ka jingkiew kaba18.94% ha ka jingioh jingsiew bad tulop.
Ka jingpynmih lad ioh kam ha ryngkat ka jingkyntiew ia ka jinglah ioh kam ka dei ka kam ba kongsan jong ka Sorkar. Kumta, ka Sorkar ka la shim ia katto katne ki sienjam ban plié lad ioh kam ha ka ri.
Ki Tnat bapher bapher jong ka Sorkar India kum ka Tnat Micro, Small & Medium Enterprises, Tnat Rural Development, Tnat Housing & Urban Affairs, Tnat Kam Pla Tyngka, Tnat kam Textile, Tnat kam Electronics and Information Technology bad kiwei kiwei ki pyntreikam ia ki skhim bapher bapher ban pynmih lad ioh kam kum ka Prime Minister’s Employment Generation Programme (PMEGP).
Mahatma Gandhi National Rural Employment Guarantee Scheme (MGNREGS), Pt. Deen Dayal Upadhyaya Grameen Kaushalya Yojana (DDU-GKY), Rural Self Employment and Training Institutes (RSETIs).
Deen Dayal Antodaya Yojana-National Urban Livelihoods Mission (DAY-NULM), Pradhan Mantri Mudra Yojana (PMMY), bad kiwei kiwei ba kynthup ruh ia ka jingkyntiew ia ka jingpynlut pisa ban plié lad ioh kam.
Ia ki jingtip ba kham bniah shaphang ki prokram pynmih lad ioh kam ba pyntreikam da ka Sorkar India ki dei kiba lah ban iohi ha ka https://dge.gov.in/dge/schemes_programmes. Ia kane ka jingtip la ai da ka Myntri Khynnah ba dei khmih ia ka Tnat Labour & Employment, Shobha Karandlaje ha ka jubab ba shu thoh ha ka Lok Sabha mynta ka sngi.
