Shillong, K.Lyngkot 22: Mynta ka sngi ha ka por step phyrngap ki hati khlaw kila poi sha ka shnong Rajai-A ha South West Khasi Hills District bad kine ki hati khlaw kila pynjop ia ki jaka rep kwai jong ki briew ha katei ka thain.
Ka Shnong Rajai-A ka hap hapoh jong ka South West Khasi Hills District kaba don ha khappud bad ka Bangladesh sha shiliang ka wah Ranikor, kane ka jingpynjulor ki hati khlaw sha katei ka thain kane ka dei sien kaba lai ha kine ki lai snem.
U Jacman Shira trai bri kwai haba kren ha u SP News Agency la ong ba kane ka jingjia kala jia mynta ka sngi dang step phyrngap ha kaba ki hati kila wan bad pynjot ia ki jaka rep, la ong ba la bun ki tynrai diengkwai bad ki jaka ba sara ia u kwai kila shah pynjulor ha kine ki hati khlaw.
La iathuh ba kane ka jingwan kine ki hati khlaw shatei ka jaka ka long la ai sien mynta kaba mut la la snem lynter, ha u snem bala dep ruh ha kum kine ki bnai kila wan ban pynjot , halor kine ki jingjia la pyntip sha ka tnad Wild Life jong ka sorkar ba kan leh ei ei ban iada ia ki jaka rep ne ba kan ai ka jingiarap ba shah pynjulor ki jarep.
Haba kren bad ka Deputy Commissioner jong ka South West Khasi Hills, la ong la shai ka sngi u SDO jong ka Ranikor Civil Sub Division un leit ban jurip ryngkat ki pulit ba jurip ia kane ka jignshah pynjot ki jaka rep ha ki hati khlaw.
ka DC kala ong ba ka jingshah pynjot dei ki jaka rep, kam shym don kano kano ka jingshah ktah ki iing briew, na ka liang ki pulit kin tohlit la kine ki hati dei kiba wan hi ne dei ba ki shah pynthud.
