Ia ka Agriculture College ha Kyrdemkulai RB District dei ban pynkylla sha ka University

Shillong, Risaw 19: Ka seng samla pule Khasi Student union jong ka North Khasi Hills District hapoh ka jingialam jong u samla Stevenson Kharkrang organizing Secretary, ha ka jingiadon ryngkat u Vincent Makri dkhot jong ka CEC kila pynlong ia ka jingiakhih shong kyllain mungor ha phyllaw jong ka Agriculture College jong ka sorkar pdeng ha kyrdemkulai ha Ri Bhoi District.

Kane ka jingleit ban pynllong ia jingiakhih da kaba shong kyllain mungor la pynpaw namar ha kane ka sngi u Vice Chancellor jong ka Central Agriculture University Imphal u ba dei ban peit ia kane u la wan sha kane ka College mynta ka sngi, kane ka long ban pynpaw ba ka jylla Meghalaya ka kwah ia ka University un ia ka college.

Ka sorkar Meghalaya kala shim jaka haduh 200 akar ha kyrdem kulai ban ai sha ka sorkar pdeng na ka bynta ban buh ia ka University, hynrei kaba la pynsngewkyndit pat ba la buh ia ka College. Ha u snem 2010 ka sorkrar pdeng kala kular ban buh ia ka University.

U Samla Stevenson Kharkrang organizing Secretary u la ong ba ka jingiakhih ka jong ki ka long ban pynpaw ia ka jingsngew pyrshah ia ka sorkar pdeng namar ba ha u snem 2010 kala kular ban ai ia ka Agriculture University hynrei mynta la da ka College ia kaba kin nym lah ban pdiang.

La ong ba u Vice Chancellor jong kane ka skul bah ba dei jong ka rep ka riang u la ong mynta ka sngi ba u kwah ban ia kynduh ia ki dkhot ka KSU kiba don ha katei ka jaka ba ki pynlong ia ka jingiakhih, hynrei kila ong ba lada kwah ban ia kynduh dei ban ia kynduh ia ki nongialam jong ka CEC jong ka seng.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet