Ia ka ktien Khasi la pule nyngkong ha Kolkatta University ha u snem 1919: Paul

Shillong, Nailur 01: U Dr D R L Nonglait president ka Khasi Author Society (KAS) mynta ka sngi u la pdiang ia u Bah Paul Lyngdoh kum u dkhot ba shirta hapoh jong ka seng ia shithi la aiti ha iing sah jong u mynta ka sngi ha Mawprem.

Ha ka jingkren kaba lyngkot ban pdiang ia u Bah Paul kum u dkhot ka seng KAS, u la ong ba ha kaba sdang ki dkhot jong ka KAS ki dei tang ki nongthoh kot kiba thoh ia ki kot pule.

Hynrei mynta la kumba 7 snem ei ei ka seng kala pdiang ia ki briew ba kin long ki dkhot jong ka seng kiba la thoh al kumno kumno ar tylli ki kot, kano kano ka kot kam dei shuh tang ia ki kot pule. Mynta kila don ki doctor sumar briew kum ki dkhot ka seng, ki ba haikai ha ka Science, Commerce bad ki ba seng kam la jong kiba la thoh pat ia ki kot.

U bah paul Lyngdoh u la thoh bun tylli ki kot bad kawei na kita ka dei ka kot kaba la ai kyrteng Shithiar ki khana lyngkot ia kaba la pdiang ruh da ka MBOSE ban pule ha ka klass XI bad XII, u bah Bindo M Lanong ruh la pdiang ia u hapoh ka KAS, ka seng ka pdiang ia baroh tang ba ki dei ban long kiba la thoh ia ki kot la ka dei kano kano ruh.

Ha ka jingkren u Bah Paul Lyngdoh, u la pynpaw ia ka jingsngewnguh ia ka KAS kaba la pdiang ia u kum u dkhot hapoh jong ka seng. U bah Paul Lyngdoh u la pynkynmaw ba ia ka ktien Khasi la pule hapoh jong ka Kolkatta University ha u snem 1919.

Haba ia dei bad ka jingbym pat ioh rung ka ktien Khasi ha khyrngit kaba phra jong ka riti ynshar jong ka  Ri India ka dei ba duna palat jingpyrshang na ka liang jong sorkar, ha ka por jong u ka KSU kala dawa ia kane bad dei ha u snem 2005 ba ka sorkar kala ithuh ia ka ktien khasi bad Garo kum ka Associate Official Language ha ka jylla.

Ban pynkhlain shuh shuh ia kane ka jingdawa dei ha u snem 2019 ka sorkar kala shim da ka rai hapoh ka iing dorbar ban dawa na ka sorkar pdeng ban pynrung noh ia ka ktien Khasi hapoh ka riti synshar jong ka Ri India kine ki ar tylli ki long ki mawnongrim ha kane ka jingdawa ban pynrung ia ka ktien khasi ha ka khyrngit kaba phra jong ka riti synshar jong ka Ri.

Ha kane ka sngi ruh u la Paul u noh syniang sha ka seng T.40,000/- tyngka kum ka dak jong ka jingiadon lang ka jong u hapoh jong ka seng ban pynkhlain ia ka seng haduh mynta ki dkhot jong ka KAS ki dang don tang 135 ngut.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet