Shillong, Risaw 12: U myntri ka tnad khlaw u James K Sangma haba kren ha ka jingialang ban sam ia ka khusnam sha ki nongjop jong ka jingiamareh la ong ba ka long kaba sngewsih ban iohi ia ka jingiakhaii beain ia ki mrad khlaw na Meghalaya.
Ka sorkar kala shim ia shibun ki lat ki lynti ban iada na kane ka jingpyniap bad khaii beain ia ki mrad khlaw ban leh ia kane don kam ban ia treilang hapdeng ka sorkar bad ki paidbah namar kane ka jingleh ka buh ia ki mrad khlaw ha ka jingma.
Kumba ka long mynta ki briew na kylleng ka Ri India bad na shabar ruh wan sha kane ka jylla ban pynlong ia ki jingwat bniah ha kaba ia dei bad ki mara ki mreng, ki syntiew ki skut.
Ban ia da kane ka jingma kaba don ha ka jylla ka sorkar kala shim bun ki lat ban ia khun pyrshah ia kane shen kin sa lah ban pyntrei kam ia ka “integrated Project” kane ka long ban dang pynkhlain ia kaei kaba kila don.
Ka sorkar kala dang wat ki lat ki lynti ruh kumno ban pynkhlain ia ki ka main kum ka Meghalaya Forest Regulation Act 1973, ia kaba la pdiang kaba dei jong ka jylla Assam, hapoh kane ka ain kala kdew ia ki jingpynshitom ia kiba leh beain. Ka sorkar kala pynkylla ia kane ka ain ban pynkhlain shuh shuh ia ka jingynshitom ia ki nongleh beain.
Ban kyntiew ia ka ioh ka kot ka sorkar kala rai ban pyndon kam ia ka jingdon ia ka “Nongkhyllem Wild Life Sanctuary” ka sorkar kala rai ban pynlong ia kane ka jaka kum ka jaka jngohkai pyrthei ka ban peit da ka Meghalaya Wild Life Development Society kane ka dei ka jingtrei kaba kongsan.
U Myntri la ong ba baroh ki iatip ba kumno ka tehknoloji kala ia rap shibun ban pyntrei kam ia kaei kaba ki don ban leh kane ka ‘Integrated and Control Centre” kane ka long ba kumno ban kham lah ban peitngor ia ki khlaw, ban peit ia ki kam siat mrad beain, ka jingkhaii beain ia ki dieng bad kumno ban iada ia ka jingpluh ki khlaw.
Ha kane ka jingialang kaba la long ha Phan Nonglait Park la sam ruh ia ka khusnam sha ki 27 ngut kiba la jop ia ka jingiamareh ha ki kyrdan bapher bapher, ia ki nongjop la ai ia ka khusnam kaba T.6000/- tyngka, T.2000/- tyngka bad T.1000/- tyngka. Ha kane ka sngi la don lang ruh u PCCF bad kiwei ki heh sorkar na ka tnad khlaw.
