Shillong, Nailur 13: U Myntri ba dei peit ia ka tnad shna surok u Deputy Chief Minister u Bah Prestone Tynsong, haba jubab ia ka jingkylli jong u Zenith M Sangma ha kaba ia dei bad ka Mawlai By-Pass, ia iathuh hapoh ka iing dorbar ba ia kane ka surok la mang pisa ha u snem 2012 bad ka jingjrong ka surok ka long 5.50 Km bad ka jingiar ka jingsiang rong ka long 7.00 meter.
Ka jingmang pisa ha kaba sdang ka long T.20 klur hynrrei ha dien ba la pyntrei iaka kam la hap ban pynkiew shuh shuh bad kat haduh ban da dep ka jingmang pisa ka long T.27.87 klur.
Haba jubab ia ki jingkylli bynrap, u bah Prestone u la iathuh hapoh ka iing dorbar, ka daw ba ympat shah ia kane ka surok ban iaid arlynti ka long ba dang don kam ban shan ha ki ar tylli ki jaka kawei ha Mawiong rim ha kaba dang hap ban pynbha namar ka ia khap bad ka ISTBT.
Kawei pat ka long ba ia ka surok na Police Training Skul sha duh Mawkynroh dang hap ban pyneh ia kane ka surok, ynda la dep ban pynheh ia kane ka surok yn sa shah ban iaid arlynti bad kane kan iarap shibun ia ka jingdheng kali ha kane ka nongbah Shillong.
