Shillong, Iaiong 24: U Chief Executive Member jong ka KHADC u bah Titosstarwell Chyne la iathuh ba ha kane ka jingialang kila ia kren halor ka jingai syrnot Schedule Tribes, namar mynshuwa ia ka ST la ai na ki District Council mynta ruh ki kyrpad ia ka sorkar jylla ba de ban ai biang sha ki District Council ban ai ia ka syrnot ST.
U CEM jong ka GHADC u Albinush K Marak la ong ba ha kane ka jingialang la ia kren ha kaba ia dei bad ka jingai ia ka syrnot nongshnong shnong da ki bor jong ki District Administration, ha kane ka jingiakren kila shim ia ka rai ban shuwa ban ai ia ka syrnot nongshong shnong dei ban ioh ia ka jingpynshisha na ki District Council.
Haba ia de bad ka “Village Council” ki ar tylli ki District ki hap ban khot ia ka dorbar ba kyrpang ban shim ia ka rai ban pdiang hapoh ka iing dorbar ia ka Village Council Bills, ia kane la kumno kumno ki hap ban leh hapoh ka shibnai mynta.
Kumba ka long ki khmih lynti ba ia ka jingpynkylla ia ka Sixth Schedule kan long mynta u snem dei na kane ka daw ba na ka liang jong ki ar tylli ki District Coumncil ki hap ban pynkloi noh, haba ia dei bad ki unrepresented tribe wat kasorka jylla ruh ka pyrshah bad ha ka jaka jong ka Village Council dei ban don da ka Village Development Council.
