Shillong, Lber 06: Ka tnad District Council Affairs ka sorkar Jylla mynta ka sngi ka ka la thawda ka kommittee ha 
dien ka jingialang ba la pynlong da ka Sorkar Jylla bad ki Chief Executive Member bad ki Executive Member jong ki lai tylli ki District Council .
Ha kane ka jingialang kila ai jingmut ia ka sorkar ba kan thaw da ka Committee ka ban peit kyrpang ia ka jingpyntrei kam ia ka Meghalaya Building Bye Law ha ki jaka jong ka Municipal bad ki jaka ba hap hapoh ka jingpeit jong ka District Council.
Ha kane ka Jingialang ba la khot ban pynlong da u Symbud Myntri rangbah ka Sorkar Jylla U bah Prestone Tynsong u ba dei khmieh ia ka Tnad District Council Affairs la wan ban mih khmat da ki officer jong ki district Council Ki CEM bad EM ha ryngkat ka jingia don lang jong ki Officer jong ka Tnad Revenue jong ka Sorkar jylla.
U bah Prestone Tynsong symbut myntri rangbah ka jylla u la ong ba la thaw ia ka committee ia ka ban khlieh da u Secretary jong ka District Council Affairs u bah CV Diengdoh, ka ban kynthup lang ia ki Nongmih khmat jong ki ADC , na ka tnad ain bad ka tnad ba dei peit ia ka khyndew.
Kane ka long ban lah ban khmieh bniah ia ka Indian registration Act shwa ban pyntrei kam hopoh kane ka Jylla hadien ba ki bank ki la kyntait ban pdiang ia ki Dulir ba la ai da ki District Council ha ba ki paid bah ki leit ban pan ram na ki bank ban shna iing ne kino kino ki jingdon kam.
U bah Tynsong u la ong ruh ba ha dien ka jingai ia ki notification ha kine ki snem ba la dep ban pyntrei kam ia ka Meghalaya Building bye Law na ka liang ka Sorkar ka la pynkup bor ha ka MUDA bad kumjuh ruh ha ki District Council ban Khmieh bniah.
U la ong ruh ba ha ka ba iadei bad ki jingtei jong ka Sorkar kum ia ki Hospital, ki Hotel bad kiwei kiwei na ka liang ka Sorkar kala shaniah ha ka MUDa ban ai ia ka jingbit ban shna ia kine ki Building bad Shabar na ka MUDA na ka liang ka sorkar kala aiti ha ki District Council ban kan leh ia ka ba don kam.
Hakne ka jing iakren na ka liang ki District council Kila pynsngew ruh sha u Myntri ba la don kam ban pyntrei kami a kane ka Building Bye Law sha ki jaka Nong kyndong namar ba kane ka Jylla jong ngi ka dei ba don ha ka zone jong ka jingiaid lynti u jumai.
U la ong ruh ba la pyntrei kami a ka Meghalaya Building bye Law sha ki jaka nongkyndong kan ia rap shi bun sha ktah la da wan kino kino ki jingshah lynshop ha ki bor jong ka Mariang.
U bah Tynsong u la ong ruh ba na ka liang ka Sorkar la ioh ruh ban ia tai halor ka Registration ia ki jaka ki puta ha ka ba na ka liang ka sorkar ka dang ia kren bad kan thaw ruh da ka committee ka ba kyrpang khang ba kan lah ban leh ia ka badon kam.
Ia kane ka committee yn khlieh da u Secretary jong ka District Council Affairs u bah CV Diengdoh, ha ryngkat ki dkhot na ki District Council bad na ki tnad sorkar bapher bapher.
Ha ba ai jingkren na ka liang u bah Pyniaidsing Syiem u ba dei u CEM jong ka KHADC u la ong ba ka jingpyntrei kam ia ka building Bye Law ha ki jaka jong ki District Council la wengnoh ha u snem 2019 ha ka ba la ai bor ia ka District Council ba kan pyntrei kam ia ka Building bye Law.
Ha kaba ia dei bad kane u la ong ruh ba kane ka jingpyntrei kam kan don ruh ka jingsiew sha ka Council ka la ia pher na ka dor bala buh ha ka building bye Law jong ka Sorkar jylla.
