Shillong, Jylliew 12: Da ka jingthmu ban kyntiew ia ka ioh ka kot jong ki nongrep ha kane ka jylla Meghalaya mynta ka sngi kala don ka jingiakren ha peng ka ICAR bad ki heh jong ka sorkar Meghalaya.
Ha kane ka jingiakren la iamir jingmut ba kumno ban pyndon kam ia ki jingtip kiba katkum kane ka por na ka bynta ka rep ka riang ia kane la kren da u Dr Dr. N. Prakash Director, ICAR Research Complex na ka bynta ka dong shatei lam mih ngi jong ka Ri India.
Ha ka jingkren u P.Sampath Kumar, IAS Commissioner bad Secretary ka tnad rep jong ka sorkar Meghalaya u la ong ba ka sorkar kala wanrah buh kilad trei kam bad ia ki yn pyntrei kam ha baroh ki District ha ka jylla Meghalaya.
Haba phai sha ka jingpynmih ia ka sniang la ong ba ka don ka jingduna haduh 65%, na ka liang jong ka sorkar ka pynshlur ia ki briew ba kin shim ia kane ka kam ym tang ba kan pyndap ia ka jingduna hynrei kan long ka lad ai kam ai jam ia ki samla bala nang la stad.
Ha ka jingkren jong u C Manjunatha, IFS Secretary, ka tnad Ri Marad u la ong ba lada lah ban pynmih ia ka dud kaba khlem pyndon kam dawai kan iarap ia ki nongrep kane ka jylla. La ong ba kane ka jylla ka don shibun ia ka lad ban pynmih ia ka dud.
Ha kane ka jingiamir jingmut kila don bun ki stad kiba dei na ki jaka pule kiba dei ia ka rep ka riang kum u, Dr. B.C.Deka Director, ATAR Zone-III, Dr. N. B. Singh Dean, CPGS, Dr. U.K. Behera Dean, College jong ka rep kariang ryngkat ka jingiadon lang ki scientists, professors na ki shnat bapher bapher.
