Shillong, Nailar 09: ka jingiaid riew blei jong ki riew ngeit Hindu na Mahadev Khol ana Shillong sha krem Mawjymbuin kaba jngai kumba 65 km mynta u snem 2026 kala iaid beit iaid ryntih ha kaba palat spah ngut kila ia poi sha katei ka jaka ba kin pyndem ia ka jingmane.
Kane ka jingiaid riew blei jong ki riew ngeit Hindu ka sdang ha ka sngi Saitjian bad ki sah noh shiteng lynti bad ki sa mih biang ban iaid da ka kjat ban poi sha katei ka jaka leh riew blei, mynta u snem kila don shibun kiba la ia poi kiba iaid da ka kjat.
Kiba shuleit ban leh burom ha katei ka krem Mawjumbuin kila mih mynta ka sngi na Shillong da ki kali bad ban leit ban pyndep ia ka jingleh burom ha katei ka jaka kaba ki khein kyntang kaba la juh pynlong man la u snem.
Mynta ka sngi ban pynthikna ba ka jingleh riewblei kan long kaba iaid beit ki bor jong ka District Administration ryngkat kibor shnong Mawsynram kila pynbiang ia ki bor pahara ha katei ka jaka ba ki riew ngeit Hindu kin ioh ban pyndep ia ka jingleh riew blei ka jong ki.
