Shillong, Risaw 07: Mynta ka sngi 8/Risaw/2026 ki Muktiar ka jylla Meghalaya kila pynlong biang ia ka jingiaid paidbah ban dawa na ka sorkar ban weng ia u Amit Kumar na ka kam Advocate General, ha kane ka jingiaid paidbah kila rah ia ki pla kard kiba don ia ki jingthoh.
Secretary General ka High Court of Meghalaya Bar Association u muktiar u Kishore Ch.Gautam haba kren ha ki lat pathai khubor u la ong ba ki dang pyrkhat ba ka jingkular u myntri rangbah ka jylla kan long kam hynrei haduh mynta u Amit Kumar u dang wan ban iasaid ha iing bishar.
Ha ka jingkren u bah T. Jyrwa u la ong ba baroh ki Bar Association na kane ka jylla ki don, kum ka Garo Hills, West Khasi Hills bad kumjuh na Jaintia Hills la ong ba ka shithi kaba la pynlait da u Muktiar K S Kynjing ba dei u President ka seng ka long ba kim lah ban pdiang ia ka jingkynnoh jong u.
U Muktiar T. Jyrwa la ong ba ka High Court of Meghalaya Bar Association bad ka Shillong Bar Association ia mynta kim ithuh ia u Muktiar K.S Kynjing kum u President, kane ka jingleh jong u ban beh shipor ia ki lai ngut ki nongkitkam kiba ha khmat kam lah ban ieng.
Na ka liang jong u Muktiar T. Jyrwa u la ong ba ia mynta ki hap ban ia tylli kawei ha ka synshar paidbah ki don la ka jong ka jong ka rukom pyrkhat, hynrei kaba kongsan ka long wat pyrshang ban pyniapra ia ka seng ki muktiar ha kaba kiba bun ki ia don lang.
Ia kane ka jingiaid paidbah kila sdang na mot jong u Kiang Nangbah kiew sha Malki bad wan phai biang sha u mot u Kiang Nangbah, ha kane ka jingiaid paidbah kila pyrta ba u Amit Kumar u dei ban leit phai noh.
