Shillong, Iaiong 25: Mynta ka sngi ka Housing and Urban Development Corporation Limited (HUDCO) ha ka sngi rakhe ia ka “53rd Foundation Day” kaba la long ha Delhi kala pynkup burom da ka khusnam ia ka Meghalaya Urban Development Authority (MUDA), ka sorkar Meghalaya.
Kane ka khusnam kaba la ai sha ka MUDA jong ka sorkar Meghalaya la ai kum ka jingithuh ia ka jinglah ban pyntrei kam ia ki kam pynroi sor kaba ia dei bad ki jingtei da kaba shim bun ki lat ki lynti, ia kane ka jingialang la pynlong ha Stein Auditorium, India Habitat Centre, Lodhi Road, New Delhi.
Ban kdew ba bun ki jingtrei kila sdang pyntrei ha kane ka nongbah Shillong, kum ka Super Market ha khyndailad, ka Smart Road ha jan All Saint School, ka Iew Laitumkhrah, ka iew ha Polo kine ki jingtrei baroh ki dang iaid mynta ym pat pyndep. Ia ka khusnam la pdiang da u shongknor ka MUDA u bah Wailadmiki Shylla, MLA.
