Shillong, Jylliew 02: Ki pulit jong ka jylla kila ioh san sngi ban tohkit ia u bah Joefreson Jana 29 snem ka rta ban tohkit halor ka jingshah kynnoh ba u la pyniap ia ki ar ngut ki khun jong u ha ka 30th Jymmang 2022 ha kaba la ioh ban ket ia u ha ka sngi ba bud na iing sah jong u por jan miet na Nongrah.
U heh pulit ba dei peit kyrpang ia ki kam runar u bah Vivek Syiem la iathuh ba ki pulit kila ioh ia ka jingbit ban bat ia u san sngi ban tohkit ha kti ki pulit pyrshah ia u tei u nongleh kam sniew, ha dien ka san sngi bala tohkit yn sa thep ia u sha byndi bad ban register ia ka ejahar pyrshah ia u tei u briew.
Ia ki ar ngut hep rit la tem don burom mynta ka sngi ha ka jingtuid ki paidbah ban pynpaw ia ka jingsngewlem ia ka iing ka sem kaba la mat ia kane ka jingsngewsih kthang kaba ym lah shuh ban pyrkhat bad ha ka juh ka por ban pynrem ia u nongleh kam sniew ba la don kti pulit mynta.
