New Delhi, Jylliew 01: Ban ia khun pyrshah ia ki kam khaii drok ha kane ka dong shatei Lammihngi ka Ri India ka Directorate ka Revenue Intelligency (DRI) kila ioh ban kurup 9.72 kg Methamphetamine tablets na ka kali Mahindra XUV500 ha Seling ha ka jylla Mizoram, ha lynti na Aizawl-Champhai Highway (NH-6) ha ka 30.05.2025 bad ka dor ka la kot haduh T. 9.72 klur ha ka iew jong ka pyrthei.
Ki ophis jong ka DRI kila lap ba ki don 10 song ki jingsong kiba la buh rieh ha ki jingkhang kali, ia ka kali la kurup bad la ioh kem u wei u briew bad la register ia ka ejahar hapoh jong ka Narcotic Drugs and Psychotropic Substances Act, 1985.
Ha ka jingtohkit la sngewthuh ba ia kine ki jingduh pynbuaid la shallan na Myanmar sha Mizoram lyngba ka Zokhawthar sector ha khappud ha pdeng ka India bad ka Myanmar, ia kane la iathuh da u briew u ba kila ioh ban kem.
Ka DRI mynta u snem 2025 kala ioh ban kurup ia u Methamphetamine bad Heroin ha ka jylla Mizoram kala kot sha ka T.72 klur tyngka bad la ioh ban kem 7 ngut ki briew bad la pyngat ia ki hapoh ka NDPS Act bad kila pynngat ha ki kyndon kiba eh ha kaba lah ban set along haduh 10 snem.
