Shillong, Nailur 14: Ki shipai BSF kila ioh ban kurup haduh 64 tylli ki muid ha khappud bad ka Bangladesh ha West Jiantia Hills District, kine ki muid dei kiba la thmu ban khaii beain sha Bangladesh.
Ki shipai BSF mar ia ioh jingtip ba don ki briew kiba niah ia ki muid sha khappud ban rung sha Bangladesh, ki la pynlong ia ka jingkhang kdong ia katei ka jaka bad ha kane kila ioh ban kurup haduh 64 tylli ki muid ia ki masi kiba la ioh kurup la ait sha ki pulit ban leh ia kaba don kam.
Ki BSF kila ioh ruh ban bat ia kawei ka kali Bolero ha khappud Bangladesh ha East Khasi Hills District kaba mut ban phah sha Bangladesh, u shini bala ioh ban kurup long 12,000 kilo.
Ki shipai BSF kiba la long kiba peitngor ha khappud bad kaBangladesh kila ialeh ban khanglad ia ki jingiakhaii beain sha Bangladesh, na u bnai Kyllalyngkot 2024 haduh mynta la ioh kurup ia ki masi bad muid 800 tylli bad 2310 ton u shini.
