Shillong, Risaw 25: Ki pulit jong ka sor 
Shillong kila ong ba ha ka 23 tarik mynta u bnai kila lap ia u wei u rangbah briew u ba la thiah ha lynti ha jan jaka ieng kali ha Anjalee bad kila rah ia ka met jong u sha Shillong Civil Hospital ban pyndep ia kaba don kam katkum ka ain.
Na ka liang jong ki pulit kila ong ba haduh mynta ym pat lah ban tip ia ka kyrteng jong une u rangbah briew u la khlad bad lada don mano mano ba ithuh ne ba tip ki lah ban leit ban peit ha jaka buh met iap hapoh Shillong Civil Hospital Shillong.
Na ka liang jong ki pulit kila ong ba kila antad ba ka rta jong une u rangbah kan long ha pdeng 45 haduh 50 snem, u dei u briew u bar it briew bad ka rynieng jong u ka long kumba 5.5 phut ei ei. U phong ia ka jaka snieh ba iong.
Lada don mano mano kiba tip ne kwah ban ioh jingtip ki lah ban phone ha kine ki number 0364-2224818, 2224400 hapoh jong ka Sardar Police station,0364-2544124 hapoh jong ka Cantonment Beat House bad 0364-2222277 Police Control room.
