Shillong, Kyllalyngkot 20: Ki pulit jong ka West Jaintia Hills District mynta ka sngi kila ioh ban kem 18 ngut ki khar Bangladesh ha Amlarem, san ngut ki draibar, kurup san tylli ki kali bad la kem ar ngut kiba khaii ba don kti pynrung tuh ia ki khar Bangladesh.
Mynta ka sngi ka kynhun pulit kaba kyrpang na West Jaintia Hills District ha ka jingiatrei lang rangbah shnong baki dkhot jong ka VDP jong ka shnong Demthring kila ioh ban bat ia kawei ka kali kaba don ia u number ML-04D/7339 ba niah da u Vishal Dkhar ba na dawki bad na kane ka kali la ioh ban kem 4 ngut ki khar Bangladesh bad ia u nongniah.
Ha ka jingtohkit ki ar ngut ki nongkhaii ba iarap pynrung khar Bangladesh sha India, u Meban Dkhar bad ka samla Melari Rasmut kiba la ioh kem na lad Demthing bad ia ka kali kaba ki pyndon kam kaba don ia u number ML-04D/4739 la phla ba ki don sa lai tylli ki kali kiba mih na Jowai kiba kit khar Bangla.
Halor kane ka jingphla, ki pulit kila pynap ktem ha Amlarem bad ha ka por 3.45 baje mynstep la ioh ban bat ia ki lait tylli ki kali, ia ka kali kaba don ia u ML-05AD/6424, laniah da u Blessing Pamthied , ia ka kali ML-04D/4993, la niah da u Twel Rongngi bad ia ka kali ML-04E/0640, la niah da u Rimi Lyngdoh bad na kine ki kali la ioh ban kem 14 ngut ki khar Bangladesh.
Baroh kiba la ioh ban kem ki long 18 ngut ki khar Bangladesh, ar ngut ki nongkhaii ba iarap pynrung khar Bangladesh sha India kiba dei ki khasi, la ioh ban kem 5 ngut ki nongniah kali bad la kurup 5 tylli ki kali.
Ki pulit kila register case pyrshah ia kine ki briew hapoh ka kyndon ain Immigration and Foreigners Act, 2025. Na ka liang jong ki pulit ka West Jaintia Hills kila kut jingmut ban khanglad ia ka jingwan rung tuh ki briew sha kane ka jylla bad kane jingkhynra kin dang iai bteng.
