Shillong, Jyllalyngkot 20: Ka kynhun ialehai phutbol ka Meghalaya ki long ba la pynkhreh ban hiar sha Silapathar Assam lashai ka lah sngi U Blei kum shi bynta ka jingbteng ka lynti iaid ka jong kaba ban iakhun ha ka lympung ialehkai 79th Senior Men’s National Football Championship for the Santosh Trophy 2025-26.
Ha kane ka kynti ka Meghalaya la pyniakap ia ka ha ka Group B bad ka jingiahun ba nyngkong jong ka kan dei ha ka 22 tarik mynta u bnai pyrshah ia ka Odisha bad bynrap da ki jingiakhun bad kiwei pat ki jylla kum ka Kerala, Services, Punjab bad ka Railways.
Shwa ba kane ka kynhun kan khreh ba kan mih na la iing, ka a don a jingiakynduh lang da ki nongialam ka Meghaaya Football Association myn ha ka sngi Thohdieng ka taiew ba la dep ha madan MFA Turf Third Ground Polo, ha kaba a wan ban kitbok iaka kynhun da u President u jong ka u bah Hamletson Dohling ryngkat ka jingiadon lang bah Cliff R Nongrum Vice President bah D.L Nongbri Jt. Secretary, bah Prosper Warjti Treaurer.
Ia kane ka kynhun yn bteng ban ialam bad btin lynti ia ka da u bah Khlain Pyrkhat Syiemlieh, hadien ba u la lah shwa ban btin lynti ia ka kynhun ha ka por ba ka la iakhun iaka qualifying round, kaba la de ban long hangne haoh ka nongbah.
Ha kane kane ka kynti, ka la don ka jingkylla ha ka kynhun, hadien ba don ki kato katne ki player kiba la hap ban mih ban leit ban ialehkai noh na ki klob ba ki ialehkai, hynrei kane kam don jingktah iaka kynhun namar ha kane ka kynti kaba mynta, ka la don lypa da kiwei pat I player ba ah ban mihpli ha ka jaka jong kiwei pat.
La yn ia khmih bniah biang ia ki jylla ba don ha ka group ka Meghaaya, ka Kerela ka dei ka jylla kaba bat iaka kyrdan kaba ar ne runners up jong u snem ba la dep bad kaba la rah ruh la bunsien iaka nam kum ka lahduh bad ba khatduh ka dei ha ka samoi ialehkai 202-22.
Haba phai sha ka kynhun ialehkai ka Services, ka dei ka kynhun kaba bat iaka nam kum ka lahduh ka samoi ialehkai 20224 ba ban pyliem teng ruh iaka Meghalaya ha ka jingiakhun iaka quarterfinal.
Katba ka kynhun ialehkai ka Punjab ka la rah teng iaka nam kum ka lahduh kane ka lympung ha u snem 2007-08, katba ka kynhun ialehkai jong ka Railways ka nam lahduh b aka la rah na kane ka lympung ka dei 60 snem mynshwa bad ba kan wan ba-ar ha u snem 2013-14
Katba ka Odisha lem bad ka Meghalaya ki long ki artylli ki jylla ba don ha kane ka group ki bym pat juh ioh ban rah iaka nam kum ka lahduh bad ka resol kaba bha na kiba bha tam eh iaka Meghalaya ha kane ka lympung ka dei ha ka samoi ialehkai 2022-23, ba hapoh ka jingialam bad btin lynti u bah Khlain ba ka la rung shaduh ka phainal ha shwa ba kan shah pynliem noh da 3-2 hakhmat ka Karnataka.
Kumta kaba sah hi ka long ba saw tylli ki jylla na kine ki artylli ki group kin iakhun shwa naka bynta ban buh jaka pat ia lade sha ka quarterfinal, kaba hangne hi ka dei ka thong bah ba shah eh hakhmat iaka Meghalaya.
Kyrteng ki player: Rajat Paul Lyngdoh, Banshanskhem Kharsyntiew, Nister Roy Suting, Wanboklang Lyngkhoi, Apborlang Kurbah, Wilbert D Marbaniang, Iohborlang L Lyngkhoi, Mebanaibok Kharbudnah, Richie Kharbani, Mebankhraw K Wahlang, Rimankhraw Kharumnuid, Riborlang L Lyngkhoi, Babysunday Marngar, Dibormi Kassar, Mebanshngain Kurkalang, Fairming Suting, Robertson M Khongriah, Hardy Cliff Nongbri, Kynsaibor Lhuid, Marbiangki Suchiang, Deibormame Tongper, Dawanchwa C Challam.
Support staff: Khlain Pyrkhat Syiemlieh (Head Coach), Sailon Syngkrem (Assistant Coach), Dious Lapasam (Manager), Wanbokstar Syiemiong (Physio).
