Shillong, Kyllalyngkot 17: Haba ia dei bad ka jingsaphriang kawei ka video lyngba ki rynsan social media kham tam hapoh ki WhatsApp halor ka jingkhlong ki briew ia ka surok ha shnong Plasha tang da ki kti ia ka surok Nongpoh sha Umden haba ka jingshna ban pyndep ia kane ka Surok kaba dang iaid mynta.
Mynta ka sngi ka 17 Tarik Kyllalyngkot 2026 naka liang ka Kong Bindas Syiem ha ryngkat ki nongialam Seng bhalang kiba kynthup iaka Seng HANM haka jingialam jong u Bah Khrawpyrkhat Thongni , haka jingiadonlang ki dkhot ka Seng MPSO ryngkat ki briew na shnong Plasha kila leit ban leit jurip ia kane ka jingsiang rong torti.
Katba dang jurip ia ka surok la wan mih u Manager u ba pyntrei ia katei ka Surok, haba ia kren bad u Manager ka Kong Bindas kala jaw ummat brup da kaba ong katno ka pang ka mynsiem haba ka ioh i ba ka jintrei torti ia ka surok Nongpoh sha Umden, ka long ha kane ka rukom namar ka jingleit shah thgan ka jong nga sha Shillong ka shu long sep ei wat la kila sha shitom 40 haduh 50 snem ban ioh ia ka surok, bad kala kyrpad ia u Manager ba un trei bha ia u surok.
Haba kren ha ki lat pathaikhubor ka Kong Bindas kala ong ba ka khlem wan hangne ban wan kynthoh ne ban pynrem iano iano ruh hynrei ka ong ng wan hangne ka dei kaba sngewkhia naduh ka mynsiem haba nga ioh jingtip bad ba nga ioh i iaka video kaba saphriang stet mynin janmiet ha rynsan social media halor ba lah ban khlong tang daka kti iaka surok ka bala siang.
Ha kajuh ka por kala ai jingiaroh ia u Symbud Myntri Rangbah ka Sorkar jylla u ba dei peit iaka tnat PWD u Bah Prestone Tynsong ba u la ai iakane ka surok kaba dang shna mynta bad kala kyntu iaki nongtrei jong kane ka surok ba kin trei bha iaka surok khnang ba ki paidbah kin ioh iaka jing myntoi haba iaid ba ieng ha kane ka surok.
