Shillong, Risaw 09: Mynta ka sngi ha ka por step la lap ia ka met jong u khynnah u Kyrshanbor Kharmudai na Khlaw MawpAT bala jah na iing sah jong u na Nongrah Lummarboh haka 8/ Risaw/2025.
Ka jingiawat ia u khynnah kala long naduh ka por janmeit jong ka sngi Balang ka 8/Risaw/2025 bad kane ka jingwat la bteng mynta ka sngi ruh ryngkat ki bor shnong bad ki pulit, hynrei kaba sngewsih ka long ba mynta ka step la lap ia ka met iap na khlaw Mawpat.
Haba kren ha ki lat pathai khubor u Superintendent ki pulit ka East Khasi Hills District u bah Vivek Syiem uba lapoi da lade ha ka jaka bala lap ia ka metiap u la ong ba kane ka dei ka jingshah pyniap, la ong ba kin dang iashong baniakren ba lah ban thaw ia ka kynhun tohkit da ka Special Investigation Team namar ha kane ruh dei u khynnah uba la shah pyniap.
Na ka liang jong u heh ki pulit ka East Khasi Hills District u bah Vivek la ong ba ia u khynnah la pyniap bad la shu leit ban buh ha katei ka jaka na ka liang jong ki pulit kin tohkit bad ban lap ia ki nongleh kam sniew.
