Shillong, Nailar 18: ka “Fifth Meghalaya Pay Commission” kala pyntip paidbah ba kala san ia ki jingkylli kiba kala buh na ka bynta jong baroh ki seng kiba don ha kit and sorkar bapher bapher, ki kynhun lane wat ki riew shimet ruh bad kane ka jingsam kala sdang naduh ka 16 tarik mynta u bnai.
Kino kino kiba kwah ki lah ban leit ban shim na ka kamra kaba 108 kaba don ha Additional Secretarait bad kane ka jingsam ia kine ki jingkylli kan long haduh ka 31 tarik mynta u bnai bad ia ki jingai jingmut dei ban pynpoi sha ka State Guest House Complex (Taraghar), Ward’s Lake Side, Shillong.
La ong ba ia ki jingai jingmut ha kaba ia dei bad ki jingkylli kiba la buh da ka commission lah ban phah da ki kot lane da kaba shu mail sha kane ka commission bad dei ban pynpoi halane shuwa ka 16 tarik u Nailur sha u Secretary, Fifth Meghalaya Pay Commission, State Guest House Complex (Taraghar), Ward’s Lake Side, Shillong–793001. Email: fifthmpc-meg@gov.in. Website: 5mpc.nic.in la ong ka khubor sorkar.
