Shillong, Nailar 13: Ka ‘Har Ghar Tiranga’ kadei ka jingialap kaba la sdang hapoh ka jingkyrshan jong ka Azadi Ka Amrit Mahotsav ban pynshlur ia ki briew ban wanrah ia ka Tiranga ha iing bad ban pynher ia ka kum ka dak ka jingrakhe ia ka sngi ioh jinglaitluid ka ri.
Ka mih na ka jingpyrkhat ba ka jingiadei jong ngi bad ka lama jong ka ri ka long kaba kham iadei bad ki kam ban ia kaba iadei bad ki briew shimet. Ka jingthmu ha lyndet jong kane ka sienjam kalong ban wanrah ia ka mynsiem ieid ri ha ki briew bad ban kyntiew ka jingsngewthuh shaphang ka Lama jong ka Ri. Ka Tnat Deiriti kadei ka tnat kaba dei peit ia ka Har Ghar Tiranga.
Ka Har Ghar Tiranga ka la kylla sha ka jingiakhih jong ki paidbah. Ki briew kylleng ka ri, ba dei na ki bynta bapher bapher jong ka imlang sahlang, ki la pdiang kylluid mynsiem ia kane ka jingthmu bad ai ka jingkyrshan lyngba ka jingiashim bynta ha ki prokram online bad offline.
Ka snem 2024 kadei ka bynta kaba lai jong ka prokram Har Ghar Tiranga ba la rakhe naduh ka 9-15 tarik Nailar, 2024. Baroh ki Jylla bad ki Union Territory ki la iashim bynta shitrhem ha ki jingrakhe, da kaba pynthikna ka jingjop jong ka campaign.
Ki nongiatreilang – ki rynsan e-commerce, ka tnat rel, ki kam pynher liengsuin, ki kynhun shipai jong ka ri, bad ki Central Armed Police Forces (CAPF) ki don ka bynta ba kongsan ban pynsaphriang jingtip bad kyntiew ia ka campaign.
Ki Self Help group ha kylleng ka ri ki la nohsynniang shikatdei sha ka jingpynmih bun ki lama bad ka jingioh ia ki. Kane ka jingiatreilang ka pynkylla ia ka thong ban pyndonburom ia ka Lama jong ka Ri sha ka jingshisha bad sa uwei u mawmer jong ka jingrakhe jong ki briew ka India, da ki briew jong ka India, u la bynrap.
Ka bynta ba kongsan jong ka campaign kadei ka Tiranga Bike Rally ba kyrpang ba iashim bynta da ki Dkhot jong ka iingdorbar thawain Parliament, ha ka 13 tarikNailar ha ka por 8 baje mynstep.
Ka rally ka la sdang na Bharat Mandapam, PragatiMaidan, New Delhi bad ka la kut ha Major Dhyan Chand Stadium, da kaba iaid lyngba ia ka India Gate. Ha kane ka kynti, la pynkhreh ia ki prokram na ka bynta baroh kum ka dak ka jingrakhe ia ka campaign ha kylleng ka ri.
Ha Shillong ia kane ka jngleh burom la pynlong ha iing jong u Lat ka jylla ha Raj Bhavan Shillong, ha kaba u lat ka jylla u C.H Vijayashankar ha ka jingdon lang u myntri ka tnad bor ding u A.T Mondal bad ki wei kiwei ki heh sorkar la rakhe ia kane ka sngi.
